2 май куни Германия пойтахти Берлин шаҳрида Германия—Ўзбекистон бизнес-форум бўлиб ўтди. Forum якунлари бўйича Ўзбекистон энергетика вазири Жўрабек Мирзамаҳмудов “Дарё” мухбирига интервью берди.
Вазир Германиянинг “Siemens энергй” компанияси билан келишув ҳақида фикрларини билдириб ўтди.
“Бугунги форумнинг нақадар муҳимлигини иштирокчилар залга сиғмай қолганидан ҳам билса бўлади. Германиянинг молия институтлари бўладими, компанияларими, ҳаммаси ”яшил энергетика“, ”яшил иқтисодиёт“ бўйича гапиришди. Турли йўналишларда келишувларга эришдик. Энг аввало, ”Siemens энергй“ компаниясининг тўғридан-тўғри инвестициялари, уни замонавий технологияларини қўллаш, уларни ўрнатиш бўйича Сурхондарёдаги янги иссиқлик электр станциясида, Навоийда кимё кластери доирасида ташкил қилинаётган янги генерация қувватларига ҳамда қуёш ва шамол энергетикаси бўйича ҳамкорлик қилишни келишиб олдик.
Уларнинг тўғридан-тўғри инвестициялар қиймати 3 млрд доллардан ошиқ бўлади. Сурхондарёдаги лойиҳа бу йил қурилишини бошлайди, Навоийдагиси кейинги йил, қуёш ва шамол бўйича ишчи гуруҳ қилиб, ҳудудларни энергобаланси, қувватларнинг мувофиқлигини биргаликда ўрганган ҳолда, келаси йили бошлашни режалаштирганмиз.
Бугунги келишувлардан сўнг аҳоли нимани сезади? Биринчи ўринда, барқарор энерго таъминоти. 2025/26 йилларда ишга тушириладиган янги қувватлар орқали юқори самарадорлик билан ишлайдиган турбиналар, бу газ сарфини камайтириш, қўшимча электр энергия ишлаб чиқариш, атрофга захарли чиқиндиларни чиқишини камайтириш ва энг асосийси тармоққа етарли даражада электр қувватини етказиб бериш орқали аҳоли фаровонлигини ошириш учун”, — дейди Мирзамаҳмудов.
Изоҳ (0)