Тошкент шаҳар Яшнобод туманида аёл мактабда фарзандига шафқатсизлик қилинаётганини айтиб, ижтимоий тармоқда мурожаат билан чиқди. Мактабгача ва мактаб таълими бошқармаси мазкур хабарга муносабат билдирди.
Унга кўра, юқоридаги ҳолат бўйича Яшнобод туман мактабгача ва мактаб таълими бўлими томонидан ўрганилди. 2 май куни 231-сонли умумтаълим мактабнинг 9-“Б” синф ота-оналарининг Telegram’даги гуруҳида ўқувчи М.А.нинг онаси фарзандининг иситмалагани ва имтиҳонга сал кечроқ боришини маълум қилган.
Бунга жавобан ота-оналар кузатув кенгаши раиси Н.М. томонидан “8.00 да эмас 7.30 да мактабда бўлиши шарт, дори ичириб тез юборинг”, деб изоҳ қолдирилган. Ушбу ижтимоий тармоқда тарқалган хабардан сўнг, бундан кейин мактаб ота-оналар кузатув кенгаши раиси мактабнинг ички тартиб-қоидаларига аралашмаслиги юзасидан тушунтириш ишлари олиб борилди.
Қайд этилишича, ўқувчи М.А. жисмоний тарбия фанидан имтиҳонга ўз вақтида келган. Тиббиёт ҳамшираси назоратидан ўтганида унинг саломатлиги қониқарли эканлиги аниқланган ва ўқувчи имтиҳонни 4 баҳога топширган.
Изоҳ (0)