Музлаткичнинг юқори қисмига кўпинча уй-рўзғор буюмларини сақлаш учун қулай жой сифатида қаралади. Бироқ баъзи нарсаларни бу ерга қўйиб бўлмайди.

Ёнувчан нарсалар

Тозалаш воситалари, аэрозол қутилари ва спиртли ичимликларни ҳеч қачон музлаткич яқинига ва устига қўймаслик керак. Жиҳоздан чиқадиган иссиқлик бу нарсаларни ёқиб юбориши ва куйишга олиб келиши мумкин.

Шиша идишлар

Музлаткич устига стакан тарелкалар ва чашкалар қўйилмаслиги керак. Бу идишлар вибрация сабабли осонгина тушиб кетиши ва синиши мумкин. Бу нафақат кўп жойни эгаллаши, балки шикастланиш хавфини ҳам келтириб чиқариши мумкин.

Оғир нарсалар

Жиҳоз устига това ва кастрюлкалар каби оғир нарсаларни қўймаслик керак. Ушбу элементларнинг оғирлиги музлаткичга зарар етказиши ва уни бузиши мумкин.

Озиқ-овқат маҳсулотлари

Музлаткичнинг ишлаши натижасида ҳосил бўладиган иссиқлик озиқ-овқатнинг тезроқ бузилишига олиб келади. Бу, айниқса сифати тез бузиладиган маҳсулотлар: сут ва гўшт маҳсулотларига таъсир кўрсатади.

Гаджетлар

Электрон буюмлар — ноутбуклар, планшетлар ва смартфонларни музлаткич устига қўйманг. Жиҳоздан чиқадиган иссиқлик гаджетларга зарар етказиши ва уларнинг нотўғри ишлашига олиб келиши мумкин.

Ўсимликлар

Хона ўсимликларини музлаткич устида сақлаб бўлмайди: ёруғликнинг етишмаслиги, ҳаддан ташқари иссиқлик ўсимликларнинг қуриб кетишига ва тез нобуд бўлишига олиб келади.

Қоғоздан ясалган нарсалар

Китоблар, журналлар ва муҳим ҳужжатларни музлаткич устига қўймаслик керак. Иссиқлик ва намлик қоғознинг буришиши, ранги ўзгариши ёки ёмонлашишига сабаб бўлади.