Ўз қўлимиз билан яратиш мумкин бўлган 10 хил замонавий соч турмаги (фото)

Ҳар бир инсоннинг сочларини ювиш ва турмаклаш учун вақт ҳам, хоҳиш ҳам бўлмаган кунлари бўлади ва кўп ҳолларда  қандай соч турмагини яратиш ҳақида ўйлаймиз. “Новый очаг” нашри сочларингизни тезда тартибга солишга ёрдам берадиган, 10 хил оддий ва замонавий соч турмагини тақдим этди.

Бир неча дақиқада қилиш мумкин бўлган соч турмаги

• сочларингизни орқага ташлаб, иккига ажратиб олинг;
• уни тугунга боғланг;
• тугунга боғланган сочни яна маҳкамлаб боғланг;
• боғланган сочни декоратив резинка ёки бантик билан ўранг.

Тезда қилинадиган соч турмаги

• сочингизни тепага қилиб резинка билан боғлаб олинг, иккига ажратинг ва олдинга ташланг;
• тепа қисмидан бошлаб махсус восита ёрдамида сочларингизни жингалак қилинг;
• жингалак бўлган сочларни ёйинг ва озгина таранг;
• сочларингизга лак сепинг, сўнг тўғирлаб олинг.

Оддий ва тез: эластик тасма ёрдамида қилинадиган чиройли соч турмаги

Оддий ҳаракатлар билан кир сочлардан чиройли соч турмагини яратиш мумкин. Бунинг учун бошингизга тасма қўйинг ва сочингизни тасманинг пастки сегментига ўранг. Уни резинка билан маҳкамланг. Чиройли ва замонавий соч турмаги тайёр.

Тасма ёрдамида яна бир соч турмагини яратиш мумкин. Агар сочингиз узун бўлса, унинг фақат бир қисмини лентага ўрашингиз мумкин, қолган қисмини эса бўш қолдиринг.

Иш ва учрашув учун қилинадиган соч турмаги

Бу соч турмагини қилиш учун сизга иккита резинка ва заколка керак бўлади. Бир-икки кун сочингизни ювманг: ушбу соч турмагини ювилган сочларда унча узоқ турмайди.

• сочингизни иккига ажратиб олинг;
• биринчи соч қисмини бир йўналишда, иккинчисини бошқа томонга буранг. Агар сочингиз бўшашиб қолса, маҳкамлаш учун заколкалардан фойдаланинг;
• иккита ўралган соч қисмларини бир-бирига боғланг, резинкаларни олиб ташланг. Сўнгра уни заколкалар билан маҳкамланг ва қўлингиз билан бўшатинг. Сочингизга ўзингиз ёқтирган заколкаларни қадашингиз мумкин.

Сочингиз ювилмаган бўлса-да ундан чиройли соч турмагини яратиш мумкин

Оддий усулда ён томонга тараладиган соч турмаги кўп вақт ва ҳаракатни талаб қилмайди. У ювилмаган сочларни беркитишга, юз шаклини бошқачароқ кўрсатишга имкон беради.

Офис учун замонавий соч турмаги

• сочингизни резинка ёрдамида йиғиб олинг. Пастки қисмини олиб, лак сепиб олинг;
• резинка остидан сочингизни ўтказиб олинг ва сочнинг ўртасида, тешик очиб сочни бармоғингиз билан киргизинг;
• соч учини тешикдан 5-7 см гача тортинг;
• сочингизнинг тагини тортинг, шунда резинка бош терисига маҳкам ўрнашади ва бантик қаттиқ бўлади;
• уни бўшатинг, натижада “булочка” ҳосил бўлади;
• сочнинг учини резинка ёрдамида маҳкамлаб олинг. Янада бўшашган соч турмагини истасангиз, уни юқорига кўтаринг ва лак сепинг.

Тартибсиз  сочлардан чиройли соч турмагини қиламиз

• ўралган соч турмагини икки қисмга ажратинг. Тугунни боғлаб, ўрам ҳосил қилинг;
• тўлқинсимон соч яратиш учун сочингизни севимли воситангиз билан буранг;
• иккала қисмни тугиб, сочингизни боғлаб олинг. Резинкани бўшатиб, ҳар томонини эластик тасма билан ўраб олиб маҳкамланг;
• сочингиз қанча тартибсиз бўлса шунча яхши. Унга ўзингиз ёқтирган бантик ёки заколкани ҳам тақиб қўйишингиз мумкин.

Тез қилса бўладиган, оддий соч турмаги

Сочингизни силлиқ қилиб таранг ва маҳкам боғланг. Спирал шпилкалардан фойдаланинг, улар ҳатто жингалак сочларни ҳам ушлаб туради. Аввал сочнинг бир томонига, сўнгра бошқа томонига шпилкани буранг. Бу соч турмаги кун бўйи яхши сақланиб туради.

Ҳажмни янада катталаштириш учун суратда кўрсатилганидек сочнинг тагига шпилкани маҳкамланг.