Косметик мойлар, тонал крем: юз терисида ҳуснбузар ва қора нуқталар пайдо бўлишининг бошқа сабаблари

Юзда акне пайдо бўлишининг турли сабаблари бор. Терини тозалашга ёрдам берадиган баъзи муҳим маслаҳатлар билан бўлишамиз.

Нотўғри таркибга эга кремлар

Кремингиз таркибини диққат билан ўрганинг: агар композицияда ланолин ацетат (ацетилланган ланолин спирти) ва бутил стерат (бутил стеарат) бўлса, бу компонентлар тери тешикларининг тиқилиб қолишига олиб келиши мумкин.

Табиий ёғлар

Табиий ёғларнинг афзалликлари ҳақида бир неча бор гапирганмиз, лекин баъзи ёғлар тери тешикларининг тиқилиб қолишига олиб келади. Бу зайтун ва бодом мойлари, шунингдек, какао мойи бўлиши мумкин. Яхшиси, косметик аралашмалардан фойдаланган маъқул — бу борада улар бутунлай хавфсиздир.

Терини яхши тозаламаслик

Макияжни фақат сув ва кўпик ёки гел билан ювиш кўпинча етарли бўлмайди. Косметика қолдиқлари оддий кўзда кўринмайди, лекин жуда тез орада қора нуқта, юздаги акне, тиқилиб қолган тешиклар кўринишида тери ташқарисига чиқиши мумкин. Нима қилса бўлади? Аввал илиқ сув ва тозалаш воситаси билан, кейин қолдиқларни мицеллар сув ёки гидрофил мой билан артинг.

Тонал крем

Таркиби зич тонал кремлар тери нафас олишига имкон бермайди, қайтага тешикларни ёпиб қўяди. Агар терингизда аллақачон акне бўлса, уни тонал крем ​​билан ёпишга уринманг — бу вазиятни янада оғирлаштиради. Бунинг ўрнига замонавий тонал зардоблардан фойдаланинг.

Нотўғри овқатланиш

Нотўғри овқатланиш нафақат қоматга, балки терига ҳам зарар етказади. Ёғ безларининг ортиб бораётган ишини аччиқ ва ёғли овқатлар, ширинликлар кўпайтиради. Агар тоза терини орзу қилсангиз, кўпроқ сабзавот истеъмол қилинг, кўп миқдорда оддий сув ичинг, картошка фри ва ёғли гўшт каби мутлақо носоғлом таомлардан воз кечишга ҳаракат қилинг.

B5 витамини етишмаслиги

Тери тошмаси ва акне пайдо бўлишининг яна бир ички сабаби B5 витамини етишмаслигидир.

Стресс

Барча касалликлар асабдан. Тери тешикларининг тиқилиб қолиши ҳам кучли стресс ва тананинг нотўғри ишлаши натижасида юзага келиши мумкин. Нима қилиш керак? Тинчланинг ва яна тинчланинг.

Организмда рух етишмаслиги

Комедонларнинг яна бир кенг тарқалган сабаби танада рух етишмаслигидир. Бу элемент нафақат терининг, балки соч ва тирноқларнинг ҳам гўзаллиги учун жуда муҳимдир — у гормонлар мувозанатини, иммунитет ишлашини ва ҳужайра бўлинишининг нормал тезлигини тартибга солади. Рух етишмаслиги ҳам ёғ безларининг нотўғри ишлашига олиб келади.