Шавкат Мирзиёев раислигида ўтказилаётган йиғилишда аҳолини арзон уй-жой билан таъминлаш учун қурилиш таннархини пасайтириш зарурлиги таъкидланди. Бу ҳақда президент матбуот котиби хабар берди.
Хабарга кўра, 2025 йилга қадар ёғоч, фанера, ёғочли опалубка ва ойнани импорт қилишда божхона божи бекор қилинади. Юқори маркали цемент бўйича божхона божи имтиёзи яна бир йилга узайтирилади (бунинг ҳисобига уй-жой қуриш таннархи 5 фоизгача пасаяди).
Шунингдек, пудрат ташкилотларига қурилаётган уйни қаватма-қават гаровга қўйиш ва ҳар бир қавати учун кредит олиш ҳуқуқи берилади. Банклар берадиган кредитларни давлат томонидан қайта молиялаш амалиёти давом эттирилади.
Бундан ташқари, қурувчиларга кафиллик ва компенсация тўлаш тартиби такомиллаштирилади. Аҳолига ўз уйини энергия тежамкор материаллардан фойдаланиб таъмирлашига 10 йилга 16,5 фоиздан 80 миллион сўмгача кредит беришга қарор қилинди.
Изоҳ (0)