Korzinka мобил иловасида кассада қоғозли чекларни чоп этишни ўчириш имконияти пайдо бўлди.
“Korzinka”, Ўзбекистондаги энг йирик савдо тармоғи, ўз мижозларига қоғоз чеклар ўрнига виртуал чеклардан фойдаланиш имконини тақдим этди.
Бунинг учун Korzinka иловаси созламаларига кириб “Кассада чек олиш” сурилма тугмасини ўчириш керак.
Шундан сўнг, Korzinka иловасидан фойдаланилган кейинги кезда харидорлар фақат виртуал чек олиши мумкин бўлади.
Харид тўғрисида батафсил маълумот Мобил илова тарихида сақланади. Мобил иловада ўчирилмагунча, қоғоз чекни чоп этилган ҳолда олиш имкони аввалгидек ишлайверади.
Шунингдек, харидорлар исталган вақтда “Кассада чек олиш” сурилма тугмасидан имкониятни ёқиб олишлари мумкин.
Қоғозли чеклар сонининг қисқартирилишига ҳаракат — сўнгги йилларда бутунжаҳонда оммалашиб бораётган ҳолдир.
Бунинг бир қатор сабаблари мавжуд:
- токсик (захарли) моддалар билан чоп этилгани учун чеклар зарарлидир;
- чеклар қайта ишланиши қийин бўлган термоқоғоздан тайёрланади;
- чеклар ишлаб чиқарилаётганда кўплаб табиий ресурслар исроф бўлади.
Қоғоз чекларнинг қисқартирилиши чиқиндилар ҳажмининг пасайиши ва харидорлар вақтининг тежалишига замин яратади.
“Биз ‘Korzinka’да Ўзбекистондаги қайта ишланмайдиган чиқиндилар ҳажмини қисқартиришга ва харидлар учун максимал қулай шароитларни яратишга ҳаракат қиламиз. Умид қиламизки, меҳмонларимиз янги имкониятдан фаол фойдаланадилар ва атроф-муҳитга нисбатан эътиборли бўлиш, ғамхўрлик қилиш маданиятини бирга шакллантиришимизда ўз ҳиссаларини қўшадилар”, — дея таъкидлади “Korzinka” супермаркетлар тармоғи маркетинг директори Малик Каримов.
Изоҳ:
- Янги имкониятдан фойдаланиш учун иловани Google Play ва Аpp Store’даги мавжуд энг сўнгги талқингача янгилаш зарур.
- Korzinka иловасида карта қўшилган бўлиши керак — созлама мижоз алоқа воситаси иловасидаги Korzinka картаси ёрдамида амалга оширилган харидлар учун амал қилади.
- Агар карта бир неча воситаларда қўшилган, “Кассада чек олиш” функцияси бир воситада (аккаунтда) ўчирилган бўлса, бошқа воситалардан турли фойдаланувчилар томонидан фойдаланилганда, уларда чек чиқиши давом этади.
- Korzinka иловаси орқали карта билан тўловда чек ҳақидаги маълумот Солиқ қўмитасига жўнатилади, харидорлар эса автоматик равишда харид суммасидан 1 фоиз миқдорда кешбэк оладилар.
Янги функциянинг ҳуқуқий асоси Ўзбекистон Республикаси Вазирлар Маҳкамасининг 2019 йил 23 ноябрдаги “Онлайн назорат-касса машиналари ва виртуал касса тизими қўлланилишини таъминлаш чора-тадбирлари тўғрисида”ги 943-сон қарори бўлди.
Korzinka мобил иловасини iOS ва Android’да юклаб олиш ва янгилаш мумкин. Илова тўғрисида тўлиқ маълумот билан ушбу ҳавола орқали танишиш мумкин.
Маълумот учун телефон: (+998) 78-140-1414.
Telegram (ўзбек тилида)
Telegram (рус тилида)
Компания ҳақида:
“Korzinka”— Ўзбекистонда чакана савдо етакчиси. Компания 1996 йилда ташкил этилган бўлиб, бугунги кунда мамлакатимизнинг 10 та ҳудудидаги 107 та дўконни ўз ичига олади: “Korzinka” супермаркетлари, “Smart” уй ёнидаги дўконлари ва “Korzinka Biznes” улгуржи дўкони, шунингдек, Lebazar онлайн етказиб бериш хизмати.
Реклама ҳуқуқи асосида.
Изоҳ (0)