Нукус воқеаларида айбланаётган икки шахс сиртдан судланмоқда

Нукус воқеаларида айбдорликда гумонланаётган Аманбай Сагидуллаев ва Ниетбай Уразбаев сиртдан судланмоқда. Бу ҳақда Олий суд матбуот котиби Азиз Обидов хабар берди.

Маълум бўлишича, Жиноят кодексининг 28,104, 158, 159, 244 ва 244-1-моддаларида назарда тутилган жиноятларни содир этганликда айбланаётган Аманбай Сагидуллаев ва Жиноят кодексининг 28,104, 159, 244 ва 244-1-моддаларида назарда тутилган жиноятларни содир этганликда айбланаётган Ниетбай Уразбаевга оид жиноят иши очиқ суд жараёнида кўриб чиқилмоқда.

Жиноят-процессуал кодексининг 410-моддаси (суд муҳокамасида судланувчининг иштироки) га асосланиб, судланувчилар Ўзбекистон Республикаси ҳудудидан ташқарида бўлгани ва уларни судга келтириш имкони йўқлиги сабабли ушбу жиноят иши бўйича суд муҳокамаси Аманбай Сагидуллаев ва Ниетбай Уразбаевнинг иштирокисиз ўтказилмоқда. Суд жараёни якуни бўйича батафсил ахборот берилади.