Ўзбекистонда доллар курси кўтарилди

Марказий банк хорижий валюталарнинг ўзбек сўмига нисбатан 27 мартда амалда бўладиган қийматини эълон қилди.

Унга кўра, долларнинг расмий курси 22,05 сўмга кўтарилиб, 11 430,07 сўмни ташкил қилди. Евро 63,66 сўмга тушиб, 12 299,90 сўм бўлди. Рубль 1,04 сўмга пастлаб, 147,90 сўмни ташкил қилди.

24 март куни ҳам долларнинг расмий курси 16,79 сўмга кўтарилиб, 11 408,02 сўмни ташкил қилганди. Евро 163,11 сўмга тушган, рубль 0,04 сўмга кўтарилганди.