Nukus voqealarida ayblanayotgan ikki shaxs sirtdan sudlanmoqda
Nukus voqealarida aybdorlikda gumonlanayotgan Amanbay Sagidullayev va Niyetbay Urazbayev sirtdan sudlanmoqda. Bu haqda Oliy sud matbuot kotibi Aziz Obidov xabar berdi.
Ma’lum bo‘lishicha, Jinoyat kodeksining 28,104, 158, 159, 244 va 244-1-moddalarida nazarda tutilgan jinoyatlarni sodir etganlikda ayblanayotgan Amanbay Sagidullayev va Jinoyat kodeksining 28,104, 159, 244 va 244-1-moddalarida nazarda tutilgan jinoyatlarni sodir etganlikda ayblanayotgan Niyetbay Urazbayevga oid jinoyat ishi ochiq sud jarayonida ko‘rib chiqilmoqda.
Jinoyat-protsessual kodeksining 410-moddasi (sud muhokamasida sudlanuvchining ishtiroki) ga asoslanib, sudlanuvchilar O‘zbekiston Respublikasi hududidan tashqarida bo‘lgani va ularni sudga keltirish imkoni yo‘qligi sababli ushbu jinoyat ishi bo‘yicha sud muhokamasi Amanbay Sagidullayev va Niyetbay Urazbayevning ishtirokisiz o‘tkazilmoqda. Sud jarayoni yakuni bo‘yicha batafsil axborot beriladi.
