Тошкент метрополитенидан фойдаланиш 2023 йил 1 апрелдан бошлаб пенсия олувчиларга бепул бўлади. Бу ҳақда ЎзА хабар берди.
Маълум қилинишича, 15 март куни бу ҳақда президентнинг тегишли қарори қабул қилинди. Пойтахт метрополитенининг тўлиқ фаолият кўрсатиши вақти давомида пенсия олувчиларга бепул хизмат кўрсатилади.
Бунда, Тошкент метрополитенининг мазкур бандда кўрсатилган хизматларни кўрсатиш эвазига олинмай қолган даромадлари давлат бюджети маблағлари ҳисобидан қоплаб борилади.
Эслатиб ўтамиз, 2017 йилнинг март ойидан бери пенсионерлар учун Тошкент метросида юриш соат 10:00 дан 16:00 гача бепул эди.
Изоҳ (0)