Toshkent metropolitenidan foydalanish 2023-yil 1-apreldan boshlab pensiya oluvchilarga bepul bo‘ladi. Bu haqda O‘zA xabar berdi.
Ma’lum qilinishicha, 15-mart kuni bu haqda prezidentning tegishli qarori qabul qilindi. Poytaxt metropolitenining to‘liq faoliyat ko‘rsatishi vaqti davomida pensiya oluvchilarga bepul xizmat ko‘rsatiladi.
Bunda, Toshkent metropolitenining mazkur bandda ko‘rsatilgan xizmatlarni ko‘rsatish evaziga olinmay qolgan daromadlari davlat budjeti mablag‘lari hisobidan qoplab boriladi.
Eslatib o‘tamiz, 2017-yilning mart oyidan beri pensionerlar uchun Toshkent metrosida yurish soat 10:00 dan 16:00 gacha bepul edi.
Izoh (0)