Олий Мажлис Қонунчилик палатасида 9 март куни бўлиб ўтадиган Ялпи мажлисда депутатлар референдум ўтказиш ҳақида қарор қабул қилиши кутилмоқда. Бу ҳақда Қонунчилик палатаси спикери ўринбосари Одилжон Тожиев маълум қилди.
“Бугун Халқ уйида ‘Ўзбекистон Республикаси Конституцияси тўғрисида’ги Ўзбекистон Республикаси Конституциявий қонуни лойиҳаси бўйича Ўзбекистон Республикаси референдумини ўтказиш ҳақидаги қарор қабул қилиниши кутилмоқда”, — деб ёзган у Telegram-каналида.
Унинг қайд этишича, соат 15:00 да Қонунчилик палатасида бўлиб ўтадиган Ялпи мажлисда Конституциявий қонун лойиҳаси кўриб чиқилади. Депутатларнинг саволлари, позиция ва хулосалари тингланади. Шу ернинг ўзида масъул қўмита барча саволларга жавоб беради.
Ялпи мажлис “Ўзбекистон 24”, “Ўзбекистон” телерадиоканаллари, "UzReport" телеканали, Олий Мажлис Қонунчилик палатасининг расмий веб-сайти, YouTube’даги саҳифаси орқали тўғридан тўғри эфирга узатилади.
Изоҳ (0)