Россиянинг бешта ҳудудида мамлакат таркибидан чиқиш учун онлайн референдум ўтказилди. Бу ҳақда UNИАН хабар берди.
Маълум қилинишича, мазкур референдум Россиянинг турли ҳудудларидан келган ташаббускор гуруҳлар томонидан ўтказилган. Овоз бериш 16-28 февраль кунлари бўлиб ўтган, унда 5,6 миллион киши иштирок этган. Улар Кенигсберг (Калининград ва вилоят), Ингрия (Санкт-Петербург ва Ленинград вилояти), Кубан (Краснодар ўлкаси), Сибир ва Уралнинг мустақиллиги учун овоз берган. Референдум натижалари эса қуйидагича:
- Кенигсберг: 72,1 фоиз Москвадан мустақил бўлиш учун, 27,9 фоиз қарши;
- Ингрия: 66,2 фоиз мустақиллик учун, 33,8 фоиз қарши;
- Кубан: 55,7 фоиз мустақиллик учун, 44,3 фоиз қарши;
- Сибир: 63,9 фоиз мустақиллик учун, 36,1 фоиз қарши;
- Урал: 68,2 фоиз мустақиллик учун, 31,8 фоиз қарши.
“Онлайн референдумлар натижаси иккита муҳим тенденцияни кўрсатди. Биринчидан, ҳудудларнинг мустақилликка интилиши ъРоссия империясиъ ҳудудида яшовчи халқлар жамиятида илдиз отди. Иккинчидан, Россия ҳукумати биздан, эркин фуқаролардан ва иродамиз натижасидан қўрқади”, — дейди референдум ташкилотчилари.
Аввалроқ ташқи сиёсий экспертлар Россия 2033 йилгача муваффақиятсиз давлатга айланиши ёки парчаланишини маълум қилганди. Атлантика Кенгаши томонидан ўтказилган сўровда 167 экспертнинг 46 фоизи Россия яқин 10 йил ичида қулаши ёки парчаланиши мумкинлигини айтди. Мутахассисларнинг 40 фоизи Россияни бир қатор сабабларга кўра, хусусан, “инқилоб, фуқаролар уруши ёки сиёсий парчаланиш” туфайли парчаланишини илгари сурди.
Россия президенти Владимир Путин Ғарбнинг Россияни бўлиб ташлаш “режаси” ҳақида гапирганди. Путин бунга ишора қилувчи ҳужжатли далиллар борлигини айтиб, Москва Ғарбнинг сиёсатига тўсқинлик қилмаганида, Россия халқларининг тақдири сезиларли даражада ўзгарган бўлиши мумкинлигини таъкидлаган.