Тошкентда “Made in Pakistan” кўргазмаси ўтказилади

Тошкент шаҳридаги UzExpo марказида 2024 йилнинг 28 июнидан 30 июнига қадар “Made in Pakistan” кўргазмаси ўтказилади. Бу ҳақда Покистон Савдони ривожлантириш департаменти ахборот хизмати хабар берди.

Қайд этилишича, кўргазмада Покистоннинг турли соҳалардаги 80 дан ортиқ етакчи компаниялари ўз маҳсулотлари билан иштирок этади. Жумладан: 

— кийим-кечак ва уй текстили;
— қишлоқ хўжалиги ва озиқ-овқат;
— енгил муҳандислик маҳсулотлари;
— фармацевтика;
— жарроҳлик асбоб-ускуналари;
— спорт анжомлари;
— транспорт ва логистика;
— ҳунармандчилик;
— темир ва пўлат;
— IT ва бошқа хизматлар намойиш қилинади.

Бундан ташқари, иштирокчилар Покистон ва Ўзбекистон ишбилармон доиралари ўртасидаги бизнесдан-бизнесга (B2B) учрашувларида қатнашиш имкониятига ҳам эга бўлади.

Мазкур кўргазма Покистон ҳукумати, Тижорат вазирлиги ҳамда Савдони ривожлантириш департаменти (ТДAP) томонидан мамлакатнинг Тошкентдаги элчихонаси ҳамкорлигида ташкил этилмоқда. Ундан кўзланган асосий мақсад Покистоннинг ишлаб чиқариш қобилияти ҳамда инновацияларини намойиш этишдан иборат.

Тадбирнинг асосий воқелиги 29 июнь куни Тошкентдаги International меҳмонхонасининг Crystal Ballroom залида ўтказилиши режалаштирилган логистика форумидир. Ушбу форум минтақадаги логистика муаммолари ва истиқболларини муҳокама қилиш, асосий манфаатдор томонлар ўртасида мулоқот ва ҳамкорлик учун платформа яратишга мўлжалланган.  

Логистика форумида соҳа мутахассислари, сиёсатчилар ва бизнес эгалари икки мамлакат ўртасидаги савдо ва алоқаларни кенгайтириш стратегияларини муҳокама қилиш учун йиғилади.

“Покистон компанияларига ўз маҳсулотларини намойиш этиш ҳамда Ўзбекистон ишбилармон доиралари билан мазмунли алоқаларни ўрнатиш учун платформа таклиф этувчи “Made in Pakistan” кўргазмасини Тошкентга олиб келганимиздан жуда хурсандмиз. Логистика форуми муҳим муаммоларни ҳал қилиш ва ҳамкорликнинг янги йўлларини ўрганиш орқали ушбу саъй-ҳаракатларни янада кучайтиради”, – дейди Покистоннинг Тошкентдаги элчиси жаноб Аҳмад Фарук.

“Made in Pakistan” кўргазмаси иқтисодий алоқаларни ривожлантириш ҳамда ўзаро ўсиш ва фаровонликка ёрдам берувчи муҳим воқелик бўлиши кутилмоқда. Барча манфаатдор томонлар, жумладан, соҳа мутахассислари, тадбиркорлар ва кенг жамоатчилик Покистон саноати ва инновацияларининг энг яхши намуналари билан танишиш имкониятига эга бўлади.

Батафсил маълумот учун:

Телефон: +998 99 277 0008, +998 99 610 1222

Э-маил: pakistanembassytashkent@gmail.com

Рўйхатдан ўтиш: https://lnks.uz/https:тдапглобал.cомрегистер-ноw

• Telegram: ҳттпс://т.ме/пакистан_эхҳибитион
• Instagram: https://www.instagram.com/tdapofficial?igsh=MXA5dXAwaTRzcHNsbw==
• Facebook: https://www.facebook.com/share/u5h2gneScJ9WYqPq/?mibextid=qi2Omg
• LinkedIn: https://pk.linkedin.com/company/tdapofficial?trk=public_post_feed-actor-name

Реклама ҳуқуқи асосида.