74 ёшли канадалик нафақахўр Ллойд Ричардснинг китоби қизи Маргаританинг TikTok’даги видеоси туфайли Amazon бестселлерлари рўйхатида биринчи ўринни эгаллади.
.jpg)
“Бағритош қизлар” мистик триллер асари Ричардснинг нашр этилган ягона китоби. У романни 14 йил давомида ёзган ва 2012 йилда нашр эттирган, бироқ ўшандан бери китобнинг фақатгина бир неча ўнлаб нусхалари сотилган эди”, — деб хабар беради CBC.
Маргарита 8 февраль куни ТikTok’даги саҳифасида таъсирли видеони эълон қилди, у видеода отаси кўп йиллар давомида китоб устида қандай ишлагани ҳақида гапириб берган. Шу билан бирга, нафақахўр Ллойд суғурта компаниясида ишлаган ва кўп вақтини болаларига бағишлаган.
Видео ижтимоий тармоқларга жуда тез тарқалди ва ҳозирга қадар деярли 45 миллион марта кўрилди. Ижтимоий тармоқнинг кўплаб фойдаланувчилари бу воқеадан ҳайратда қолди ва Amazon’дан романни сотиб олди. Видео TikTok’да эълон қилинганидан бир ҳафта ўтгач, “Бағритош қизлар” романи Канада ва АҚШда платформанинг бестселлерлари рўйхатида биринчи ўринни эгаллади. Ричардснинг асари ҳаттоки шаҳзода Гаррининг “Захира” номли мемуарини ҳам ортда қолдирди.
“Мен бунга ишонолмаяпман, жуда ҳаяжондаман. Бу шунчаки ақл бовар қилмайдиган нарса. Буларнинг ҳаммаси учун қизимдан қарздорман”, — дейди Ричардс.
Изоҳ (0)