Тошкент шаҳрида 18 февраль куни вақтинча тўхтатилган метро линияси бўйлаб автобус ҳаракати ташкил этилди. Бу ҳақда “Тошшаҳартрансхизмат” хабар қилди.
Қайд этилишича, Тошкент метрополитени ерусти йўналишининг 2-босқичини қуриш ишлари доирасида 2023 йилнинг 18 февраль куни “Дўстлик-2—7-бекат (Қўйлиқ бозори)” оралиғида метро вагонлари ҳаракати тўхтатилган.
Шу муносабат билан йўловчиларнинг жамоат транспортига бўлган эҳтиёжини қондириш мақсадида “Тошшаҳартрансхизмат” АЖ томонидан “Қўйлиқ деҳқон бозори” сўнгги бекатидан ТҲАЙ, Оҳангарон шоҳкўчаси, Қорасув, Авиасозлар, Элбек кўчалари орқали Дўстлик метроси сўнгги бекатигача ҳаракатланувчи “Қўйлиқ деҳқон бозори—Дўстлик метроси” вақтинчалик автобус йўналиши ташкил этилган.
Мазкур ташкил этилган вақтинчалик автобус йўналишидаги ҳаракат жадваллари сони 6 та, йўналишнинг иш тартиби соат 5:00 дан 23:00 га қадар этиб белгиланган.
Изоҳ (0)