Toshkent shahrida 18-fevral kuni vaqtincha to‘xtatilgan metro liniyasi bo‘ylab avtobus harakati tashkil etildi. Bu haqda “Toshshahartransxizmat” xabar qildi.
Qayd etilishicha, Toshkent metropoliteni yerusti yo‘nalishining 2-bosqichini qurish ishlari doirasida 2023-yilning 18-fevral kuni “Do‘stlik-2—7-bekat (Qo‘yliq bozori)” oralig‘ida metro vagonlari harakati to‘xtatilgan.
Shu munosabat bilan yo‘lovchilarning jamoat transportiga bo‘lgan ehtiyojini qondirish maqsadida “Toshshahartransxizmat” AJ tomonidan “Qo‘yliq dehqon bozori” so‘nggi bekatidan THAY, Ohangaron shohko‘chasi, Qorasuv, Aviasozlar, Elbek ko‘chalari orqali Do‘stlik metrosi so‘nggi bekatigacha harakatlanuvchi “Qo‘yliq dehqon bozori—Do‘stlik metrosi” vaqtinchalik avtobus yo‘nalishi tashkil etilgan.
Mazkur tashkil etilgan vaqtinchalik avtobus yo‘nalishidagi harakat jadvallari soni 6 ta, yo‘nalishning ish tartibi soat 5:00 dan 23:00 ga qadar etib belgilangan.
Izoh (0)