Сенатнинг навбатдаги ялпи мажлиси олдидан Суд-ҳуқуқ масалалари ва коррупцияга қарши курашиш қўмитаси мажлисида “Давлат ҳисобидан юридик ёрдам кўрсатиш тўғрисида”ги қонун кўриб чиқилди, деб хабар бермоқда “Дарё” мухбири.
Қайд этилишича, бугунги кунга қадар давлат ҳисобидан юридик ёрдам фақат жиноят ишларини юритишда кўрсатилиб, маъмурий ва фуқаролик ишларида назарда тутилмаган. Юридик ёрдам кўрсатадиган адвокатларни жалб этишнинг шаффоф механизми жорий этилмагани, ушбу соҳани мувофиқлаштирувчи ягона орган белгиланмагани сабабли фуқароларнинг, айниқса, ижтимоий ёрдамга муҳтож қатламнинг малакали юридик ёрдамдан тўлиқ фойдалана олмаган.
Шунингдек, мазкур соҳада қатор коррупциявий омиллар мавжуд бўлиб, бюджет маблағларининг сарфланиши устидан самарали назорат ўрнатилишига тўсқинлик қилган.
Таъкидланишича, мазкур қонун орқали муаммолар бартараф этилади ва суд жараёнларида фуқароларнинг ҳуқуқ ва қонуний мафаатлари ишончли ҳимояланиши имконияти доираси кенгаяди.
Изоҳ (0)