Ўзбекистоннинг икки ҳудуди: Тошкент ва Фарғонада гиёҳванд моддалар савдосига чек қўйилди. Бу ҳақда ЎзА хабар берди.
Хабарга кўра, Қувасой шаҳрида яшовчи шахснинг уйида 1 килограмм 454 грамм гашиш моддаси аниқланди. Оғу тожикистонлик наркокурерлар томонидан олиб келинган. Шунингдек, қўқонлик икки фуқаро тожикистонлик наркокуръерларнинг Оҳангарон тумани ҳудудига контрабанда йўли билан ўтказилиб, хуфиёна жойга яшириб кетилган 863 грамм опий моддасини олиб, доимий яшаш манзилларига кетаётган вақтларида “Чинор” ЙПХ масканида қўлга олинди.
Тошкент шаҳридаги тезкор тадбирда эса Деновда яшовчи фуқаро 274 грамм гашиш моддасини Юнусободда яшовчи шахсга 35 миллион сўмга сотмоқчи бўлган вақтида уларнинг иккаласи ҳам ушланди.
Бундан ташқари, Қўқон-Тошкент йўналишида ҳаракатланаётган Ласетти Бектемир туманидаги Шарқ ЙПХ масканида тўхтатилди. Ундаги йўловчи, қўқонлик фуқарога тегишли 600 дона Трамадол, 168 дона Регапен ва 79 дона Тропикамид кучли таъсир қилувчи дори воситалар аниқланди. Маълум бўлишича, бу гиёҳвандлик воситалари Қирғизистондан ноқонуний йўллар билан олиб келинган.