Қамчиқ довони 15 февраль соат 22:40 да қор кўчкиси хавфи туфайли автотранспорт воситалари ҳаракати учун вақтинча ёпилганди. Фавқулодда вазиятлар вазирлиги ахборот хизмати хабарига кўра, 16 февраль куни соат 21:00 да довонда машиналар ҳаракати тикланган.
Қайд этилишича, довон ёпилганидан сўнг, кучли қор ёғиши сабабли ушбу йўналишнинг бир нечта қисмларида ўз-ўзидан қор кўчиши кузатилган. Республика идоралараро штабининг тезкорлик билан қабул қилинган довонни ёпиш тўғрисидаги қарори туфайли қор кўчкиси натижасида ҳеч ким зарар кўрмаган.
Шу вақт мобайнида Фавқулодда вазиятлар вазирлиги раҳбарлигида ихтисослаштирилган тузилмалар томонидан қор кўчкиларининг қайта кўчиш хавфини бартараф этиш бўйича ишлар олиб борилди. Довон ёпилгандан сўнг оралиқ ҳудудда бўлган ҳайдовчилар ва йўловчиларга транспорт воситаларини хавфсиз жойга олиб боришда ёрдам берилган.
Шу вақт ичида довоннинг бир нечта жойларида барча ҳоҳловчилар учун иситиш пунктлари ишлаб турган. Шу билан бирга, Республика идоралараро штабининг қарори билан довоннинг ҳар икки томонида транспортни кутаётган одамлар учун бир нечта қўшимча икки томонлама темирйўл рейслари ташкил этилган. Қор кўчкиларини мажбуран тушуриш бўйича ишлар амалга оширилган.
Изоҳ (0)