Туркиянинг Royal Сегинус меҳмонхонасида россиялик ва украиналик футболчилар ўртасида жанжал келиб чиқди. Бу ҳақида “База” телеграм канали хабар бермоқда.
Барчаси 13 февраль оқшомида бошланган. Украинанинг “Минай” клуби вакиллари Ярославлнинг “Шинник” клуби раҳбарига яқинлашиб, ундан Украина мадҳиясини куйлашни талаб қила бошлаган. Россиялик футболчиларнинг сўзларига кўра, улар фагатгина мадҳияни сўрабгина қолмай, нега ҳукуматга қарши митинглар уюштирмаётганини ҳам аниқлаштирмоқчи бўлган. Раҳбар эса украиналикларга кўчага чиқишни ва вазиятни бирга-бир ҳал қилишни таклиф қилган, бироқ можарога меҳмонхона ходимлари аралашиб, уларни тинчлантирган.
Бироз вақт ўтгач, Украин клубининг бир нечта ўйинчиси “Шинник” футболчиси билан битта лифтга тушиб қолган ва уни калтаклаган. Лифт етиб келган манзилда эса ярославллик футболчилар турган ҳамда вазиятга аралашган. Шу тариқа россиялик ва украиналик футболчилар ўртасида жанжал юзага келган. Меҳмонхона ходимлари полиция ва тез ёрдамни чақиришга мажбур бўлади. Бироқ ходимлар ҳеч кимни ҳибсга олмаган. Муштлашув оқибатида 4 нафар “Шинник” клуби футболчиси жароҳат олган.
Меҳмонхонада икки нафар полициячи ва қўшимча қўриқчилар доимий равишда навбатчилик қилмоқда.
“Шинник” футболчиларидан бири жанжалдан сўнг “Минай” клуби вакили улардан тезроқ меҳмонхонани тарк этишни, украиналиклар бу ишга жиддий киришгани ва янги куч билан яна можаро келиб чиқиши ҳақида огоҳлантиргани ҳақида айтиб ўтган.
Меҳмонхона раҳбарияти муштлашув ҳақидаги маълумотларни тасдиқлаган ва ҳозирда ҳаммаси жойидалигини таъкидлаб ўтган.
Изоҳ (0)