UFC енгил вазн тоифаси бўйича чемпион Ислом Maxачев (24-1) кейинги жангини 2023 йил кузида БААда ўтказиши мумкин. Бу ҳақида Исломнинг вакили ТАССга маълум қилди.
12 февраль тонгида Maxачев UFC 284 мусобақаси доирасида ярим енгил дивизион чемпиони Александр Волкановскини (25-2) мағлуб этиб, камарини ҳимоя қилди.
“Катта жанг якунланди. Энди Ислом дам олади, ундан сўнг Рамазон ойи. Кўп нарса енгил вазн тоифасидаги вазиятга боғлиқ. Бироқ кейинги жанг кузда Абу-Дабида бўлиш эҳтимоли бор”, — дейди Maxачевнинг вакили.
Maxачев БААда уч марта жанг ўтказган: 2019 йил кузида у Дави Рамосни мағлуб этган, 2021 йилда Ден Ҳукер, бир йилдан сўнг Чарльз Оливейра устидан ғалаба қозонган. Шунингдек, Ислом 2020 йилда ҳам араб диёрида UFC доирасида жанг қилиши керак эди, лекин унинг Рафаэл дос Анёсга қарши жанги бразилиялик спортчи коронавирусга чалингани туфайли бекор бўлганди.
Изоҳ (0)