Жиззахда эркак бўрини сўйиб, бошини танасидан айиргани аниқланди. Вилоят Табиат ресурслари бошқармаси ҳолат юзасидан муносабат билдирди.
Ўрганишлар давомида Янгиобод тумани “Учтургон” қишлоғида яшовчи фуқаро Ж.З. томонидан бундан икки йил олдин ушбу ҳолат содир этилгани аниқланди.
Қайд этилишича, фуқарога ҳайвонот дунёси давлатнинг умуммиллий бойлиги, улардан оқилона фойдаланиш ва улар давлат томонидан муҳофаза этилиши тўғрисида тушунтириш ишлари олиб борилган.
Ҳолат юзасидан фуқарога Маъмурий жавобгарлик тўғрисидаги кодекснинг 90-моддаси (ов қилиш ва балиқ овлаш қоидаларини, шунингдек ҳайвонот дунёсидан фойдаланишнинг бошқа турларини амалга ошириш қоидаларини бузиш) 1-қисмига асосан маъмурий баённома расмийлаштирилиб, БҲМнинг ўн баравари, яъни 3 миллион сўм миқдорида жарима қўлланилган.
Изоҳ (0)