Испания Кубоги. “Реал” қўшимча бўлимларгача борган ўйинда “Атлетико” устидан ғалаба қозонди

Футбол бўйича Испания Кубоги 1/4 финал баҳсида “Реал” ва “Атлетико” ўзаро баҳс олиб борди.

Учрашувнинг 19-дақиқасида Альваро Мората ҳисобни очди. 79-дақиқада эса Родриго мувозанатни тиклади. Шу тариқа жамоалар қўшимча бўлимларга йўл олди.

Қўшимча бўлимларда “матрасчилар” бир киши кам бўлиб қолди. 99-дақиқада Стефан Савич қўполлиги учун қизил карточка олди. 104-дақиқада эса Карим Бензема “қаймоқранглилар”ни ҳисобда олдинга олиб чиқди. Ўйин якунланишига саноқли сониялар қолганда Винисиус Жуниор мадридликларнинг учинчи голига муаллифлик қилди.

Карло Анчелотти шогирдлари 3:1 ҳисобида зафар қучиб, ярим финалга йўл олди.

Испания Кубоги

1/4 финал баҳси

26 январь, пайшанба

“Реал” – “Атлетико” 3:1

Голлар: 0:1 – 19 Мората, 1:1 – 79 Родриго, 2:1 – 104 Бензема, 3:1 – 120+1 Винисиус Жуниор.

“Реал Мадрид”: Куртуа, Начо (Одриосола, 115), Рюдигер, Милитао, Менди (Себальос, 44), Модрич, Кроос (Асенсио, 74), Камавинга, Вальверде (Родриго, 69; Мартин, 115), Бензема, Винисиус Жуниор.

“Атлетико”: Облак, Molina, Савич, Эрмосо, Рейнилду, Коке (Сауль, 83), Де Пол (Кондогбиа, 83), Лемар (Карраско, 74), Гризманн (Барриос, 90), Мората (Витцель, 63), Корреа (Депай, 74).

Огоҳлантиришлар: Де Пол (44), Рейнилду (54), Эрмосо (62), Себальос (69), Винисиус Жуниор (97), Савич (97), Коке (105).