«Эвертон» Френк Лемпардни истеъфога чиқарди. Бу ҳақда клуб матбуот хизмати маълум қилди.
Деярли бир йилдан буён мерсисайдликларни бошқариб келган (2022 йил 31 январь) Лемпард жамоа билан хайрлашди.
«Эвертон» АПЛда 15 очко билан 19-ўринни эгаллаб турибди, ундан кейинги ўринда турган «Саутҳемптон»да ҳам худди шунча очко мавжуд.
Жамоа 22 октябрдан буён ғалаба қозона олмаяпти. Сўнгги бор АПЛ доирасида «Кристал Пелас» 3:0 ҳисобида таслим этилганди. Шундан буён Лемпард жамоаси 10 та ўйинда 8 та мағлубият ва 2 та дуранг натижа қайд этди.
«Эвертон»нинг кейинги ўйини 4 февраль куни «Арсенал»га қарши бўлиб ўтади.
Изоҳ (0)