Америкалик хонанда Бейонсе 21 январь куни Дубайдаги Atlantis The Royal эксклюзив меҳмонхонасининг очилиш маросимида чиқиш қилди. У тадбирдаги иштироки учун 24 миллион доллар гонорар олди, деб хабар бермоқда «Korrespondent.net» нашри.
Бу шахсий тадбир бўлиб, унда фақат таклифнома билан иштирок этиш мумкин. Инсонлар ўз виллаларидан машҳур хонанданинг қўшиқларини тинглаши мумкин ва бу 2018 йилдан бери концерт бермаётган хонанданинг илк яккахон концерти бўлади.
Меҳмонхонанинг очилиш маросими 19 январдан 23 январгача бўлиб ўтади. Таниқли ошпазлар Хосе Андрес, Хестон Блюментал ва Нобу Мацухиса меҳмонлар учун таомлар тайёрлайди. Тадбирда Бейонседан ташқари бошқа машҳурлар ҳам бўлади, бироқ уларнинг исмлари ҳозирча маълум қилинмаган.
Меҳмонхона мажмуаси Форс кўрфази қирғоғида жойлашган бўлиб, ҳашаматли кўринишга эга. Унда 231 та апартамент, 693 та меҳмонхона ва 102 та люкс хона мавжуд. Катта яшил майдон бир нечта бассейн ва кортларни ўз ичига олади, бундан ташқари балконларда хусусий бассейнлар ҳам мавжуд.
Мавзуга доир:
- Бейонсе, Кемерон Диас ҳамда бошқа жаҳон юлдузлари образи мукаммал бўлиши учун фойдаланадиган лайфхаклар.
- Хонанда Бейонсе ўнинчи марта Гиннеснинг рекордлар китобига киритилди.
- Бейонсе, Клуни, Роналду: эгизак фарзанд тарбиялаётган машҳур ота-оналар (фото).
- Хонанда Бейонсе олти йил деганда биринчи марта янги альбом чиқаради.
Изоҳ (0)