Apple бош директори Тим Кук ўз иш ҳақини 40 фоизга камайтирилишини сўради

Apple бош директори Тим Кукнинг маоши 2023 йилда 40 фоизга қисқариб, 49 миллион долларга тушади. Бу ҳақда Bloomberg хабар берди.

Компания ҳисоботида айтилишича, Кукнинг ўзи иш ҳақини камайтиришни сўраган.

2022 йил учун Кук Apple’дан 99,4 миллион доллар товон олган — 3 миллион доллар асосий маош, 83 миллион долларга яқин компания акциялари ва бонуслар. Қисқартириш тўловларнинг иккинчи қисмига таъсир қилади.

Таъкидланичиша, Apple ўтган йили Кукка тўланган товон туфайли танқидга учраган.

Хизмат кўрсатувчи Institutional Shareholder Services консалтинг компанияси ҳозирда бош директорга тўланадиган ҳақ асосий кўрсаткичларга, шу жумладан акциялар қийматига жуда кам боғлиқлигини таъкидлади. 2022 йилда Apple акциялари қиймати 27 фоизга арзонлашган.

Бу йилги 49 миллион долларлик тўлов 3 миллион долларлик асосий иш ҳақи, 6 миллион доллар бонус ва 40 миллион долларлик акция мукофотини ўз ичига олади.

Лекин тўловнинг якуний миқдори жорий йилда Apple акциялари қанча туришига боғлиқ бўлади.

Apple, шунингдек, молия директори Лука Майестри, бош маслаҳатчи Кейт Адамс, чакана савдо бўйича бош директор Дейрдре O’Брайен ва бош операцион директор Жефф Уильямсга 2022 йилда қанча маош берилганини ошкор қилди.

Бу менежерларнинг барчасига 2022 йилда иш ҳақи, акциялар ва бонусларни ўз ичига олган ҳолда ўтган йилга нисбатан бир оз кўпроқ 27 миллион доллар тўланган.

Манбада таъкидланишича, топ-менежернинг ўз маошларини камайтиришни сўраши кам учрайдиган ҳолат. 2021 йил компания раҳбарларининг иш ҳақи бўйича рекорд йил бўлган.

Бироқ акциядорлар маошларни оширишга рози бўлиш эҳтимоли камроқ: Mercer консалтинг компанияси маълумотларига кўра, 2021 йилда акциядорлар компания раҳбарлари учун мукофот пулларини ошириш учун овоз беришдан бош тортган ҳолатлар сони бўйича рекорд ўрнатилган.

Аввалроқ Apple ва Tesla акциялари кескин тушиб кетгани ҳақида хабар берилганди.