Саудия Арабистонининг «Ал-Ҳилол» жамоаси Лионель Мессига қизиқиш билдирмоқда, дея хабар беради Mundo Deportivo.
«Ал-Ҳилол» «ПСЖ» ҳужумчисига йилига 300 миллион доллар маош беришга тайёр. Маошнинг катта қисми давлат ғазнасидан ажратилади.
Аргентиналик футболчининг парижликлар билан шартномаси жорий мавсум якунида ўз ниҳоясига етади. «ПСЖ» эса шартномани узайтириш учун музокаралар олиб бормоқда.
Эслатиб ўтамиз, Криштиану Роналду январь ойида «Ал-Ҳилол»нинг асосий рақиби «Ан-Насср» клубига қўшилди.
Саудия Арабистони икки футболчини олиб келиб, чемпионатга нисбатан эътиборни кучайтириш ва ЖЧ—2030 мезбонлиги учун имкониятни оширишни мақсад қилган.
Изоҳ (0)