«Манчестер Сити» бош мураббийи Хосеп «Челси»га қарши кечган ўйинда захира алмаштиришлари самара берганига ўзига хос реакция билдирди.
«Шаҳарликлар» Премер Лига 19-тури доирасидаги баҳсда Лондон клубини 1:0 ҳисобида мағлуб этди. Ғалаба голини Риёд Маҳрез Жек Грилишнинг узатмасидан кейин урди. Ҳар икки футболчи голдан 3 дақиқа-ю 43 сония олдин майдонга тушганди.
Гвардиола алмаштиришлари фойда бергани ҳақидаги саволга қуйидагича жавоб берди: «Мен даҳоман».
Шундан кейин Пеп «Эвертон»га қарши ўйиндаги алмаштиришлар ўз самарасини бермаганини қайд этиб ўтди.
Мутахассис ўйин ҳақида ҳам ўз фикрларини билдирди.
«Биринчи бўлимда у қадар яхши ҳаракат қилмадик. Ўз позициясидан бошқа жойда ўйнаган Канселуга раҳмат айтдим. Бириничи бўлимда кўп курашдик, бу асабни емирадиган ўйин бўлди. Иккинчи бўлимнинг бошиданоқ ҳаммаси яхшироқ кечди. Бу уч очко биз учун жуда муҳим», — дейди Гвардиола.
Изоҳ (0)