Ҳужумчи Криштиану Роналдунинг «Ан-Насср» клуби ўйинчиси сифатида таништирув маросими катта аудитория тўплашга муваффақ бўлган.
Журналист Педру Сепулведанинг хабар қилишича, 37 футболчининг Ар-Риёддаги таништирув маросимини кузатган аудитория сони 3 миллиардга етган. Ушбу маросим дунёнинг 40 та телеканали ва онлайн платформаларда эфирга узатилган.
Солиштириш учун, Қатарда ўтган ЖЧ—2022 финали доирасидаги Аргентина — Франция (3:3, 4:2) учрашуви аудиторияси 2 миллиардни ташкил қилган, дея ёзади португалиялик журналист.
Криштиану Роналду ноябрь ойида «Манчестер Юнайтед» билан амалдаги шартномасини бекор қилди. Футболчи декабрь сўнгида Саудия Арабистони клуби билан 2,5 йиллик шартнома имзолади. Хабарларга кўра, футболчи йилига 200 миллион евро маош олади.
Изоҳ (0)