Мексика шимолида жойлашган Чиуауа штати, Сьюдад-Хуарес шаҳридаги қамоқхонага номаълум шахслар қуролли ҳужум уюштирди, деб хабар бермоқда Reuters агентлиги мамлакат прокуратурасига таяниб.
Оқибатда 14 киши, жумладан, ўн нафар хавфсизлик ходими ҳалок бўлди. Агентлик маълумотларига кўра, 13 нафар маҳбус яраланган, камида 24 киши қочиб кетган.
Чиуауа АҚШнинг Ню-Мексико ва Техас штатлари билан чегарадош.
Октябрь ойида Мексика жануби-ғарбидаги Сан-Мигел Тотолапан шаҳри мериясига қилинган ҳужумда мер Конрадо Мендоз ва яна 17 киши, жумладан, бир неча полициячи ҳалок бўлган эди. Тахминларга кўра, ҳужум гиёҳванд моддалар савдоси билан шуғулланувчи жиноий гуруҳ томонидан уюштирилган.
Изоҳ (0)