2022 йилда YouTube тармоғида энг кўп кўрилган ўзбек клиплари қайси эканлигини биласизми? Марҳамат кучли 20 таликдан ўрин олган клипларни томоша қилинг.
20-ўрин
2022 йилда муҳокамалар марказида бўлган хонанда Дилдора Ниёзованинг турмуш ўртоғига бағишлаб ижро этган «Муҳаббатжон» клипи 5 ойда 6,7 миллион марта кўрилган. Клипда хонанданинг ўзи ва турмуш ўртоғи суратга тушган.
19-ўрин
Юлдузли жуфтлик Ойбек ва Нигоранинг «Соғинганман» қўшиғи ҳам яхши натижаларни қайд этган. Яъни клип 7 ой мобайнида 9,6 млн марта томоша қилинган. Икки ой аввал YouTube тармоғига жойланган «Совға қил» клипи эса 6 миллион марта кўрилган.
18-ўрин
Хонанда Нилуфар Усмонованинг «Онам» таронасига ишланган клип 9 ой мобаннида 7,8 миллион маротаба томоша қилинган. «Хатлар ёзмайман» клипи эса 3 ой мобанийда 3 миллион маротаба томоша қилинган. Тўғри, ижодкорнинг клиплари тармоқда у қадар кўп кўрилмаган бўлса-да, якунланаётган йил унга муваффақиятли келди. Чунки у илк яккахон концертини катта саройда ўтказди.
17-ўрин
Хонанда Сардор Мамадалиевнинг 7 ой аввал YouTube тармоғига жойланган «Бир кеча» клипи ҳам кузатувчилар томонидан илиқ қарши олинган. Клип иккита каналга жойланган ва иккисида ҳам 12 миллион маротаба томоша қилинган.
16-ўрин
Хонанда Шоҳруҳхоннинг «Эй ёр» ва «Салом, севги» қўшиқлари ҳам қисқа вақт мобайнида «хит»га айланди. «Эй ёр» қўшиғи 6 ойда 12 миллион, «Салом, севги» эса 4 ойда 10 миллион маротаба томоша қилинди.
15-ўрин
Хонанда Озода Нурсаидованинг «Ёмғирларда» қўшиғига ишланган 2022 йилнинг ноябрь ойида премьера қилинганди. Клип жуда қисқа вақт мобайнида 15 миллион маротаба томоша қилинди. Бу кўрсатгич янада ошишига ишончимиз комил.
14-ўрин
Ёш хонанда Жамбул Муҳаммедовнинг «Кабутар» қўшиғи йилнинг энг хит тароналаридан бири бўлди. Қўшиққа ишланган клип YouTube тармоғида 6 ой мобайнида 16 миллион маротаба кўрилди.
13-ўрин
Ўзбекистонда хизмат кўрсатган артист Улуғбек Раҳматуллаев қўшиғига ишланган «Ёлғончим» қўшиғи ҳам йилнинг хит тароналаридан бири бўлди. Қўшиқ YouTube тармоғининг иккита каналига жойланган. Хонанданинг расмий каналида клип 16 миллион, иккинчисида эса 9,4 миллион маротаба томоша қилинган.
12-ўрин
Интернет юлдузларидан бири Севинч Исмоилова ҳам якунланаётган йилда сермаҳсул ижод қилди. Унинг 3 ой аввал YouTube тармоғига жойланган «Гўмирчими» қўшиғи ва 7 ой аввал ишланган «Қашқадарё-Сурхондарё» клипи бир хил натижани қайд этди. Уларнинг иккиси ҳам 17 миллион маротаба томоша қилинган.
11-ўрин
Бу ўринни хонанда Райҳон Ғаниева «Алдандим» таронаси ва унга ишланган клип билан эгаллади. Клип 6 ой мобайнида 22 миллион маротаба томоша қилинган.
10-ўрин
Инста-блогер Азода хонандалик фаолиятини бошлаганига кўп бўлмаган бўлса-да, бугунги рейтингдан ўрин эгаллади. Боиси, унинг 5 ой аввал YouTube тармоғига жойланган «Соғинасан» клипи 26 миллион маротаба томоша қилинди.
9-ўрин
Хонанда Муниса Ризаеванинг ўтган йил якунида YouTube тармоғига жойлаган «Етмадими»таронаси йил давомида 29 миллион маротаба томоша қилинди. Аммо ундан кейин жойлаган клиплари бу натижани забт этолмади.
8-ўрин
Қорақалпоғистонлик ёш ижодкор Бобурбек Арапбаевнинг «Тамара» қўшиғига ишланган клип эса 9 ой мобайнида 35 млн маротаба томоша қилинган. Хонанда халқ орасида у қадар танилмаган бўлса-да, унинг қўшиғи ўзбек интернет фойдаланувчилари орасида кўп изланади.
7-ўрин
Интернет юлдузига айланган қорақалпоғистонлик ижодкор Гулинурнинг Жасурбек Мавлонов билан куйлаган «Жайлан» таронаси 6 ой мобайнида 36 миллион маротаба томоша қилинди. Ноодатий клип ва клип икки ижодкорга ҳам катта даромад ва машҳурлик олиб келди.
6-ўрин
Хонанда Ёрқинхўжа Умаровнинг «Ёмғир» қўшиғи 6 ой мобайнида 38 миллион маротаба томоша қилинди. Қўшиқ қисқа вақт ичида хит таронага айланиб, ижодкорга кутилмаган омад олиб келди.
5-ўрин
Ўзбек примоддонаси дея эътироф этилувчи хонанда Юлдуз Усмонованинг ёш ижодкор Малик билан куйлаган «Ёр биё» дуэти 7 ой мобайнида 31 миллион маротаба томоша қилинди. Дубайда олинган клип мухлислар томонидан илиқ қабул қилинди.
4-ўрин
Тўртинчи ўринни қисқа фурсатда интернет юлдузига айланган ижодкор Жалолиддин Аҳмадалиев банд этди. Унинг «Соғиндим» таронаси январь ойида YouTube тармоғига жойланганди. Клип шу кунгача 42 миллион марта томоша қилинган. «Жаноним» тармонаси эса бир йилда 47 миллион марта кўрилган.
3-ўрин
Хонанда Имроннинг «Ҳеч кимга бермай севаман» клипи ўтган йил сўнггида YouTube тармоғига жойланганди. Ўтган вақт мобайнида клип 53 миллион маротаба томоша қилинди.
2-ўрин
Ўзбек санъатида Достон Эргашев номининг пайдо бўлганига кўп бўлгани йўқ. Аммо ижодкор санъатда ўз ўрни ва мухлисларини топишга улгурди. Апрель ойида YouTube тармоғига жойланган «Кўзмунчоғим» қўшиғи ўтган вақт мобайнида 59 миллион маротаба томоша қилинган.
1-ўрин
Ҳамдам Собировни 2022 йилда энг сермаҳсул ижод қилган ва кетма-кет хит қўшиқларни яратган ижодкор дейиш мумкин. Масалан, унинг «Тентакчам» клипи 11 ой давомида 82 миллион маротаба томоша қилинган. «20 март» қўшиғи эса 8 ой давомида YouTube тармоғида 40 миллион маротаба томоша қилинган. Мана буни ҳақиқий омад ва мўмайгина даромад деса бўлади.
Мавзуга доир:
Изоҳ (0)