Ошхона бу — аёллар энг кўп вақт сарфлайдиган жой. Нонушта, тушлик ва кечки овқатларни тайёрлаш, бир пиёла иссиқ чой ва ёқимли суҳбат, идишларни ювиш ва маҳсулотларни саралаш — барчасини завқ билан амалга ошириш учун, албатта, бир қанча қулайликлар керак. AdMe нашри ошхонани қулайликлар оролига айлантиришга ёрдам берадиган лайфхаклар билан бўлишди.
Қаҳва тайёрлаш учун мосламалар
Статистикасига кўра, дунё аҳолисининг тахминан 30-40 фоизи ҳар куни қаҳва ичади. Шунинг учун ошхонада уни тайёрлаш учун мосламаларга эга бўлиш — уй бекасининг яна бир ютуғи. Қаҳва ичишни ёқтирмайдиганлар ҳам меҳмонларга уни, албатта, таклиф қилади. Бунинг учун атайин қаҳва майдалагич сотиб олишга ҳожат йўқ. Шунчаки, қаҳвани қайнатиш учун идишлар бўлса кифоя.
Тахтакачлар
Энг қулай, гигиеник тахтакач ёғоч ҳисобланади. Бунинг сабаби шундаки, ёғоч озиқ-овқат бактерияларининг қолдиқларини сув билан ювгандан кейин чиқиб кетади ва бактерияларнинг кўпайишига йўл қўймайди. Бундан ташқари, тахталар нафақат функционал, балки эстетик ҳамдир. Улар ошхона декорациясига гўзаллик қўшади.
Хушбўй чироқ
Ошхонадаги ҳидни йўқ қилишнинг кўплаб усуллари мавжуд. Буни сода, сирка ёки лимон каби оддий воситалар ёрдамида амалга ошириш мумкин. Шунингдек, ошхона учун ғайриоддий танлов қилиш ва хушбўй чироқдан ишлаца ҳам бўлади. Бу нафақат ҳар куни хушбўй ҳид таратади, балки эфир мойи ҳиссий ҳолатни ҳам яхшилайди.
Дон маҳсулотлари учун стикерли идишлар
Озиқ-овқат маҳсулотларини сақлаш учун идишлар тўплами ошхонада жойни тежайди ва керакли нарсаларни топишни осонлаштиради. Айниқса шаффоф банкаларга дон ёки маҳсулот номлари ёзилган стикерлар янада тартибли кўринади.
Зираворлар учун идишлар
Овқат тайёрлашда керак бўлиши мумкин бўлган барча зираворларни қулай идишларга жойлаштириш мумкин. Албатта, зираворларни бир хил пакетларда сақлаш мумкин. Аммо кичкина банкаларни сотиб олиш, уларга барча зираворларни солиш ва махсус стикерларни ёпиштириш янада қулай бўлиши табиий.
Кўкатлар учун идишлар тўплами
Қуритилган кўкатларни ҳаво ўтказмайдиган идишларда сақлаш яхшидир. Бунинг учун оддий шиша идишлардан фойдаланиш мумкин. Контейнерлар қуёш нури тушмайдиган қуруқ, салқин жойда сақлаш тавсия этилади.
Шўрва учун ажойиб идиш
Кечки овқат ажойиб бўлиши учун ноодатий идишларда таомларни тортиш мумкин. Асрлар давомида шўрвалар турли хил идишларда тортиқ қилинган. Меҳмонлар, албатта, овқатни тақдим этишнинг бундай ностандарт усулидан ҳайратда қолади.
Ошхона дизайнига мос келадиган гилам
Ошхонага гилам солиш ғояси дарҳол пайдо бўлмаслиги мумкин, чунки у ерда чанг ва ёғдан гилам тезда ёмон ҳолатга келади. Аммо гилам ошхона дизайнига ўзгача кўрк бағишлайди.
Лимонад идиши
Кун давомида ҳамма сув ичади. Агар сувга цитрус мева қўшилса, у таъм ва фойдани ҳам оширади. Детокс сувида витаминлар мавжуд. Мевалардаги C витамини иммунитет тизимига фойдали таъсир кўрсатиши исботланган. Бу овқат ҳазм қилишга ёрдам беришнинг яхши усули. Албатта, ичида ёрқин мевалар бўлган лимонад ошхона дизайнини жонлантиради.
Озиқ-овқат маҳсулотларини музлаткичда сақлаш учун идишлар тўплами
Озиқ-овқат маҳсулотларини музлаткичда сақлаш учун хавфсизлик стандартларига жавоб берадиган идишлар тўпламини сотиб олиш муҳимдир. Озиқ-овқат маҳсулотлари учун махсус тўплам музлаткичда кўпроқ нарса сақлашга ёрдам беради.
Сабзавотларни сотиб олиш ва сақлаш учун қайта ишлатиладиган сумкалар
Кундалик ҳаётда пластмассани камайтиришнинг яна бир замонавий усули — сабзавот ва меваларни сотиб олиш ва сақлаш учун бир нечта қайта ишлатиладиган сумкаларни сотиб олиш. Улар жойни тежашга ёрдам беради. Бундан ташқари, сумкалар ошхонага мос равишда танланиши мумкин.
Изоҳ (0)