«Дарё» нашри 23 декабрда Ўзбекистон ва жаҳонда содир бўлган энг муҳим воқеаларни эътиборингизга ҳавола этади.
Путин урушни тугатиш тарафдори эканини айтди. Урушни тадқиқ қилиш институти вазиятни қандай баҳолайди?
Россия президенти Владимир Путин Украинадаги урушни тезроқ тугатиш тарафдори эканини айтди. Бу ҳақда «Интерфакс» хабар берди.
Жанговар ҳаракатларнинг бориши ҳақида гапирар экан, Путин «жанговар ҳаракатларнинг кучайиши асоссиз йўқотишларга олиб келиши»ни таъкидлаган
ISW таҳлилчиларининг фикрича, бу баёнотлар Россиянинг нореал мақсадларига эришиш учун тобора кўпроқ қурбон беришга мажбур бўлаётган маҳаллий рус аудиториясига Путиннинг қимматга тушган урушини оқлаш бўйича Кремль саъй-ҳаракатларининг бир қисми.
Путин масъулиятни юкламоқчи бўлганлардан бири — Россия Қуролли кучлари Бош штаби бошлиғи Валерий Герасимов, дейди ISW мутахассислари. У яқинда узоқ танаффусдан сўнг биринчи марта ОАВ да кўрсатилган.
Украинада уруш бошланганига бир йил тўладиган санада Зеленскийнинг тинчлик режаси эълон қилинади
Украина президенти Владимир Зеленскийнинг жамоаси тинчликка эришиш бўйича режа тафсилотларини ишлаб чиқмоқда. Бу ҳақда The Wall Street Journal Европа ва Украина дипломатларига таяниб хабар берди.
Таклифларни тахминан Украинада уруш бошланганига бир йил тўладиган санада, 24 февраль куни тақдим этиш кўзда тутилмоқда.АҚШ, Украина ва НАТО мансабдорларининг сўзларига кўра, Киевнинг ҳар қандай эҳтимолий музокаралардаги позицияси унинг жанг майдонидаги позициясига боғлиқ бўлади.Эслатиб ўтамиз Ноябрь ойидаги катта йигирматалик саммитида Зеленский урушни тугатишнинг қатор шартларини санаб, Россия Украинанинг ҳудудий яхлитлигини тасдиқлаши, ўз қўшинларини мамлакат ҳудудидан олиб чиқиб кетиши, шунингдек, урушдан етказилган зарарни қоплаши кераклигини айтганди.
Украина етакчиси Минск келишувларига қайтилишини истисно қилган, чунки, унинг сўзларига кўра, улар дарҳол бузилади.
Евгений Пригожин Вагнер гуруҳи Шимолий Кореядан қурол яроғ олаётганини рад этди
КХДР анчадан буён Россияга ҳеч қандай қурол-яроғ етказмаяпти ва бунга урингани ҳам йўқ. АҚШ Миллий хавфсизлик кенгаши вакили Жон Кирбининг бундай етказмалар ҳақидаги гаплари уйдирма, деди «Вагнер» хусусий ҳарбий компанияси асосчиси, Евгений Пригожин.Пригожин қайд этишича, «Вагнер» гуруҳи «етарлича кўп миқдорда» Америка қурол-яроғларини сотиб олади ва унинг ҳуқуқшунослари АҚШнинг «Вагнер»га қурол етказиб беришга нисбатан чекловлари бекор қилинишига эришади.Шунингдек, Шимолий Корея Ташқи ишлар вазирлиги ҳам баёнот эълон қилиб, КХДР Россия қурол етказиб бермаётгани, Москва «бошқаларнинг ёрдамисиз ҳам» ўзини ҳимоя қилишга қодирлигини айтган.
Аввалроқ Reuters агентлиги АҚШнинг юқори мартабали мулозимига таяниб, Россиянинг «Вагнер» гуруҳи Шимолий Кореядан қурол-яроғ сотиб олганини маълум қилгандиМанбанинг таъкидлашича, «Вагнер» хусусий ҳарбий компаниясининг Украинадаги урушдаги роли ортиб бормоқда. Кремль томонидан назорат қилинадиган ҳарбий компания янги қуроллар учун пул тўлаган, хусусан, КХДР вагнерларга ракета ва снарядлар юборган.
Қорақалпоғистонда шамол электр станцияси қурилади. Бу газ ва электр энергияси етказилишида қанчалик аҳамиятли?
Тошкент шаҳрида 23 декабрь куни Саудия Арабистонининг ACWA Power компанияси билан Қорақалпоғистонда умумий қуввати 1500 МВт бўлган шамол электр станциясини қуриш бўйича шартномалар имзоланди.
Қайд этилишича, мазкур йирик қувватли шамол электр станцияси 2026 йилда ишга туширилиши, йилига 5,2 миллиард кВт/соат электр энергияси ишлаб чиқариши ва бунинг натижасида йилига 1,5 миллиард куб метр табиий газ тежалиши режалаштирилган.Станцияда 300 МВт—550 МВт/соат электр сақлаш кимёвий батареялари (аккумуляторлар) ўрнатилади. Ушбу батареялар шамол турбиналаридан чиқувчи ўзгарувчан электр энергиясини ростлаб беради
Изоҳ (0)