Англия терма жамоаси бош мураббийи Гарет Саутгейт ўз лавозимини тарк этмайди.
Англия футбол ассоциацияси (FА) 52 ёшли мутахассис жамоада қолишини ва Англияни Евро—2024 га тайёрлашини расман маълум қилди. Шунингдек, Саутгейтнинг ёрдамчиси Стив Ҳолланд ҳам жамоада қоладиган бўлди.
Саутгейт қўл остида «учшерлар» ЖЧ—2018 ярим финали ва Евро—2020 финалига қадар етиб борди. ЖЧ—2022 да эса жамоа чорак финалда Францияга ютқазиб қўйди (1:2).
52 ёшли мутахассис Англияни 2016 йилнинг сентябрида қабул қилиб олганди. Унинг жамоа билан амалдаги шартномаси 2024 йилга қадар мўлжалланган.
Изоҳ (0)