Хорватия терма жамоаси ярим ҳимоячиси Лука Модрич Марокашга қарши учрашувдан сўнг (2:1) ўз фикрларини билдириб ўтди.
Олтин медални хоҳлагандик ва унга жуда яқин келгандик. Ўйинимиздан фахрланган ҳолда уйга ғолиблардек қайтмоқдамиз.Хорватлар Жаҳон Чемпионати 3-ўрин учун баҳсда Марокаш устидан 2:1 ҳисобида зафар қучди ва бронза медалини қўлга киритди.Терма жамоа миқёсидаги муваффақият мен учун жуда муҳим. Жамоамиз сезиларли даражада ўсди, энди бизнинг ғалабалар 20 йилда бир бўлиб қоладиган мўъжиза эмас. Энди Хорватия терма жамоаси кучли дея оламан.
Келажагимиз ёрқин. Баъзи футболчилар илк бор Жаҳон Чемпионатида қатнашди ва медалларни қўлга киритди. Мен эса 12 йилда бу натижани қайд эта олдим. Улар эришган нарсани юқори баҳолай олиш лозим.
Хорватия терма жамоасидаги фаолиятимни Миллатлар Лигасидаги иштирок орқали давом эттираман. Ундан сўнг нима бўлишини кўрамиз.
Лука Модрич, Хорватия терма жамоаси ярим ҳимоячиси
Изоҳ (0)