Бугун,

  • USD 11095.31
  • RUB 173.84
  • EUR 10772.44

Греция 2023 йил февраль ойидан бошлаб олти ой ичида кўплаб уй хўжаликлари учун озиқ-овқат харажатларининг 10 фоизини бюджет субсидиялари ҳисобидан қоплаб беришни режалаштирмоқда. Бу ҳақда мамлакат бош вазири Кириакос Мицотакисга таяниб, Bloomberg хабар берди. Субсидиялар мамлакатдаги иккита нефтни қайта ишлаш заводида ортиқча фойда солиғи йиғимлари ҳисобидан молиялаштирилади.

Фото: Reuters

Фото: Reuters

«Бюджет харажатлари 650 миллион еврони ташкил қилади», — деди у қонунчилар мамлакатнинг 2023 йилги бюджети учун овоз беришни бошлашидан олдин.

Бош вазир қўшимча тўловлар уй хўжаликларининг 85 фоизини ёки қарийб 8,4 миллион фуқарони қамраб олишини қўшимча қилди. Ҳозиргача ҳукумат инфляция оқибатларини юмшатиш учун 15 миллиард евродан сал кўпроқ маблағ сарфлаган.

Греция парламенти мамлакатнинг 2023 йилги давлат бюджетини қабул қилиш учун овоз берди. У ялпи ички маҳсулотнинг 1,8 фоиз ўсишини таъминлайди ва якунда бу йилги 210 170 миллиард еврога нисбатан 224 134 миллиард еврога етиши керак.

Шунингдек, инфляция ўсиши жорий йилдаги 9,7 фоиздан 2023 йилда 5 фоизга ошиши кутилмоқда.

Овоз беришдан олдин Мицотакис ва асосий мухолифатчи партия «Радикал сўллар – Прогрессив альянс» коалицияси етакчиси, собиқ бош вазир Алексис Сипрас ўртасида дебат бўлиб ўтди.

Мухолифатчилар озиқ-овқат харидларини субсидиялаш режаларини 2023 йилда бўлиб ўтадиган парламент сайловлари арафасида ҳукуматнинг сайлов совғаси деб атади.

Изоҳ
Асосий янгиликлар
Маҳаллий
Тошкентда хизматлар соҳасини ривожлантириш учун 20 трлн сўм кредит ажратилади
Маҳаллий
Ўзбекистонда энергетика тизимида қайта тикланувчи энергия салоҳиятига таянилади
Маҳаллий
Абдуқодир Мўминов товламачилик ва фирибгарликда айбланмоқда