Тошкентдаги «Шедевр» ресторани МИБ томонидан 8 млрд сўмга аукционга қўйилди

Тошкент шаҳар, Янги ҳаёт туманидаги мебель «Шедевр» ресторани биноси кимошди савдосига қўйилди. Маълумотлар «E-auksion» порталида эълон қилинган.

Лот аукционга иқтисодий судлар ҳукми билан Янги ҳаёт туман МИБ томонидан жойлаштирилган ва бино тўлиқ хатланган. 

Бинонинг ер майдони 0,17 гектарни ташкил қилади. Бинонинг умумий майдони — 3 232 квадрат метр. 

2020 йилда қурилган ресторан 2 қаватли ва 48 та хонадан иборат. Унда сув, газ, электр таъминоти ва канализация тизими бор. 

Аукционга қўйилган бинонинг бошланғич баҳоси — 7,9 млрд сўм. Аризалар 2022 йил 26 декабрь 09:00 га қадар қабул қилинади. Савдолар худди шу куни 10:00 да бошланади.

Аввалроқ Тошкентдаги мебель цехи 64 млрд сўмга аукционга қўйилгани ҳақида хабар берилган эди.