«Толибон» Марказий Осиё мамлакатларини «ўзлаштирган» харитасига ўзгартириш киритди

«Толибон» ўз дунё харитасини яратганди ва унда Марказий Осиё мамлакатлари ва Эрон ҳудудлари ўзлаштириб олинганди. Кобулда ўрнатилган «глобус»да «Афғонистон Ислом Амирлиги» ҳудудига ўзгартириш киритилди.

Маълум қилинишича, Кобул муниципалитети ватанпарварликни географиядан устун қўймасликни талаб қилган жамоатчилик билан учрашган. Шундан сўнг глобусга ўзгартириш киритилган. Аммо минтақа мос равишда Ҳиндистон ва Хитойни «итариб», шарққа чўзилган. Харитада Кашмир ҳали ҳам мустақил (аслида у Покистон, Ҳиндистон ва Хитойнинг бир қисми ҳисобланади), Қатар Саудия Арабистони таркибида қолган.

Эрон афтидан Тоғли Қорабоғни ўзига олиб, Грузия билан чегарадош бўлган. Туркия Шарқий Фракияни (Европа қисми) йўқотган, Украина эса 2013 йилги чегаралар ичида қолмоқда. Мазкур глобус бир дақиқада 12 марта айланади.

Ер шарининг «Толибон»га хос аввалги талқинида Эрон ва Марказий Осиё давлатлари ерлари Афғонистон ҳудудига киритилган ва мамлакат Қозоғистон билан умумий чегарага эга эди.

Мавзуга доир: «Толибон» ўз дунё харитасини яратди. Улар Марказий Осиё мамлакатлари ва Эрон ҳудудларини «ўзлаштириб олди»