ОАВ: Голливуд актёри Брюс Уиллиснинг соғлиғи ёмонлашди
Жорий йилнинг март ойида афазия ташхиси қўйилган Голливуд актёри Брюс Уиллиснинг соғлиғи ёмонлашди, деб хабар бермоқда «Korrespondent.net» нашри.
Маълумотларга кўра, Брюс кам гапирмоқда ва бошқа инсонлар унга нима деяётганини тушунмаяпти.
«Брюс кўп гапира олмайди ва бошқалар унга нима деяётганини тушунмаяпти. Демак, Эмма ҳақиқатан ҳам унинг овози ва мулоқотчисига айланди. Соғлиғи ёмонлашганига қарамай, актёрнинг яқинлари уни байрамлар арафасида ушлаб туришга ҳаракат қилади. Шундай кунлар бўлдики, улар Брюсни аввалги ҳолатда кўришди, бироқ бу қисқа муддатли ва жуда кам учрайди», — дейилади манбада.
Актёр билан яқин муносабатда бўлган Голливуд юлдузлари у билан имкон қадар кўпроқ вақт ўтказишга ҳаракат қилади. «Актёрнинг қизлари Янги йил байрамини Брюссиз тасаввур қила олмайди. Катта қизлари кекса Брюсни уларни йигитлари ҳақида масхара қилганини ва уларга кераксиз маслаҳатлар берганини соғинади», — дея қўшимча қилади инсайдер.
Бундан ташқари, «Қаттиқ ёнғоқ» фильми актёри Брюсни собиқ рафиқаси Деми Мур қўллаб-қувватлайди. «Деми Брюс ва Эмма билан доимий алоқада. У билан вақт ўтказиш учун барча имкониятлардан фойдаланади. Агар Деми унинг ёнида бўлмаса, Брюсга овозини эшитиш учун телефондан қўнғироқ қилади», — дейди у.
Мавзуга доир:
- Брюс Уиллис, Кетрин Зета-Жонс: касаллик туфайли карьерасини тўхтатишга мажбур бўлган актёр ва актрисалар (фото).
- Брюс Уиллис соғлиғи ёмонлашгандан кейин барча кўчмас мулкини сотиб юборди.
- Брюс Уиллис афазия туфайли кинодаги фаолиятини якунлади. Яна қайси машҳурларга шундай ташхис қўйилган?
- Голливуд актёри Брюс Уиллис ниқоб тақишдан бош тортгани учун дорихонадан ҳайдаб юборилди.
