Enter Steel Ўзбекистонда ASME сертификатини олган биринчи машинасозлик заводи
Бугун Тошкентда 2022 йилнинг 7 декабрь куни Марказий Осиёдаги энг йирик EPC-пудратчиларидан бири ҳисобланган Enter Engineering ўзининг шўъба корхонаси Enter Steel’нинг сифат менежменти тизимини (СМТ) ва U, S, R (U - босим остида ишловчи сиғимлар, S - энергия ишлаб чиқаришда қўлланилувчи қозонлар, R - сиғимларни таъмирлаш ва ўзгартириш) штампларини муваффақиятли жорий этгани учун Америка механика муҳандислари жамияти (ASME) нинг сертификатига эга бўлгани ҳақида маълум қилди.
ASME сертификати компанияларга меъёрий талабларга риоя этиш, жараёнлар самарадорлигига эришиш, ҳаражатларни камайтириш ҳамда маҳсулот сифати ва хавфсизлигини яхшилашда ёрдам беради. Бу Enter Steel машинасозлик заводида ишлаб чиқарилган сиғимлар ва аппаратларнинг юқори стандартларига мос эканидан далолат беради.
Enter Engineering компаниясибош директори Улуғбек Усмонов шундай изоҳ берди:
«Enter Steel машинасозлик заводи нуфузли ASME сертификатига эришган Ўзбекистондаги биринчи корхона эканини фахр билан эътироф этамиз. Унинг мавжудлиги бизнинг ҳар бир корхонани бошқаришда ва ишлаб чиқариш тциклининг ҳар бир босқичида ишлаб чиқаришнинг юқори стандартларига содиқ эканлигимизни яна бир бор намоён этади. Бундай ютуққа эришиш, йъани дунёдаги энг нуфузли хавфсизлик ва сифат стандартларидан бирига муносиб бўлиш малакали мутахассислардан иборат жамоамизнинг фидокорона меҳнати шарофатидир».
ASME сертификатига эга бўлиш учун Enter Steel талабларига мувофиқ мураккаб аудит жараёнини йўлга қўйди:
- Материаллар ва синов ускуналари сотиб олинди ва калибрланди.
- ББМ (бузмасдан баҳолаш муҳандислиги) лабораторияси ташкил этилди.
- Босим остида ишловчи сиғимнинг прототипи тайёрланди ва синовдан ўтказилди.
- Сифатни назорат қилиш бўйича қўлланма, сифат назорати ўтказиш, дизайн яратиш ва ББМ жараёнлари тартиб-қоидалари тайёрланди.
- ASME талабларига жавоб берадиган тарзда жиҳозланган омборлар, шунингдек, жиҳозларни сақлаш ва карантин ҳудудлари ташкил этилди.
ASME механик синов хавфсизлиги ва сифат стандартлари соҳасида АҚШнинг нуфузли ташкилотларидан биридир. У турли техник соҳаларни қамраб олган 600 дан ортиқ кодекс ва стандартларни нашр этган.
ASME сертификати 100 дан ортиқ мамлакатларда тан олинган. ASME сертификати бутун дунё ҳукуматлари томонидан хавфсизлик талабларига мувофиқлик тасдиғи сифатида қабул қилинган. Ҳозирда 7000 га яқин компания ASME сертификатига эга.
ASME компаниялари оиласига қўшилиш Enter Engineering компанияси учун барча муҳандислик низомлари бўйича ходимларнинг мартабаси ва малакасини оширишни қўллаб-қувватлаган ҳолда бошқа аъзо компаниялар билан илғор тажрибаларни алмашиш учун янги янги имкониятларни очади.
