Тайван ва хитойлик аёлларнинг кўриниши ҳамда ёши ҳаммани ҳайратда қолдириши аниқ. The Voice Mag нашри таништириб ўтадиган бугунги қаҳрамонларнинг энг кичиги 42 ёшда. Уларнинг оддий маслаҳатларига амал қилган ҳолда, ажойиб натижага эришиш ва ёш кўринишни сақлаб қолиш мумкин.
Қуёшдан ҳимояланиш
40 ёшда ҳам терини қуёшдан ҳимоя қилувчи 20 факторли маҳсулотларни қўллаш керак. Осиёлик аёлларнинг юзи жуда сезгир бўлиб, қариш белгиларини тўхтатиш учун улар ҳамма нарсани қилади. Қуёшдан ҳимоя қилувчи кремлар уларга бунда ёрдам беради, аёллар ҳар қандай об-ҳавода ушбу воситадан фойдаланади ва ҳатто уйдан чиқмасалар ҳам. Агар хитойлик аёллар қуёшли кунда ташқарига чиқмоқчи бўлса, улар ўзи билан қўлқоп, кенг қиррали шляпа ва ҳатто соябонларни олиб кетади.
«Ёрқин» парҳез
Хитой аҳолиси терининг ранги кўп жиҳатдан парҳезга боғлиқлигига амин. Бу кулгили кўринади, лекин кўплаб осиёлик аёллар очиқ рангли маҳсулотлар (сут, балиқ, оқ гўшт) юз рангига ижобий таъсир кўрсатади ва унга ёрқинлик беради, деб ҳисоблайди. Қаҳва, қизил гўшт, шоколад ва бошқа қуюқ рангли маҳсулотлар эса тескари таъсирга эга.
Кўпроқ чой, камроқ қаҳва
Севимли тетиклантирувчи ичимликни нимага алмаштириш мумкин? Шубҳасиз, хитойлик аёллар кўк ёки ўсимлик чойларига, деб жавоб беради. Осиёлик аёлларнинг фикрига кўра, чой организмни зарарсизлантириш, зарарли моддаларни чиқариб ташлаш ва шу билан бирга терининг ёшлигини ҳамда унинг янги кўринишини сақлашда иштирок этади. Чойдан ташқари, уларнинг ратционида сув, шакарсиз смузи ва лимонадлар мавжуд.
Спорт
Мунтазам жисмоний машқларсиз қоматни чиройли сақлаб қолиш мумкин эмас, чунки чунки тонус ва таранглик учун мушаклар жавобгар. Мисол учун, 50 ёшли хитойлик аёл Лю Эйлин йигирма ёшида биринчи марта спорт билан шуғулланишни бошлаганини эслайди. 30 йиллик машғулот тажрибаси блогерга ажойиб кўринишни тақим этди.
Оқартирувчи маҳсулотлар
Пигментга қарши крем, гел ва ниқоблар Хитой ва Тайван гўзалларининг косметика сумкасида бўлиши аниқ. Уларнинг таркибидаги кислоталар эпидермиснинг сирт қатламини енгиллаштиришга ва терини тезда тиклашга имкон беради ва бета-каротин каби ингредиэнтлар ёш ўтиши билан пайдо бўладиган доғларини қўзғатувчи гормон — мелатонин ишлаб чиқаришни секинлаштиради.
Камроқ олов
Хитойлик аёлларнинг баъзи овқатланиш одатлари анъанавий Шарқ фалсафаси билан белгиланади. Уларнинг мувозанати спиртли ичимликлар, аччиқ ва қизариб пишган овқатларни кўп истеъмол қилмасликка олиб келади. Бунинг ўрнига осиёлик аёллар ўз рационини тофу, бодринг, сув ўтлари, буғдой ва бамбук новдалари каби нейтрал озиқ-овқатлар билан тўлдиришга ҳаракат қилади.
Изоҳ (0)