Қишнинг совуқ об-ҳавоси сочлар учун хавфли бўлиши мумкин. Агар улар тўғри парвариш қилинмаса, ёрқинлигини йўқотади, қурийди ва мўртлашади. «Новий очаг» нашри тақдим этган маслаҳатлар куз-қиш даврида сочларни соғлом сақлашга ёрдам беради.
Бош кийим кийинг
Сочни қор, шамол ва ёмғирдан сақлаш лозим, улар соч тузилишини сийраклаштиради. Сочлар бош кийим остида бўйсунмас ҳолатга келмаслиги учун фен билан қуритишдан олдин иссиқдан ҳимоя қилувчи спрейдан фойдаланиш мумкин.
Ҳавони намлантирувчи ускунадан фойдаланинг
Сочга нафақат совуқ об-ҳаво, балки иситиш билан жиҳозланган квартираларнинг қуруқ ҳавоси ҳам зарарли. Хонада намликни 40-50 фоиз даражада ушлаб туриш орқали сочларни соғлом сақлаш мумкин.
Соч учларини кесиб туринг
Сочлар гуллашининг олдини олиш учун ҳар 4-8 ҳафтада уларни кесиб туриш керак. Кўп кесиш шарт эмас, соч турмаги яна янги ва чиройли кўринишга эга бўлиши учун 1-2 сантиметр кифоя.
Сув ҳароратини пасайтиринг
Кўчадан уйга қайтгандан кейин чиндан ҳам душда исинишни истасангиз, сувни илиқроқ қилишни унутманг. Сочни илиқ сув билан ювиш ва совуқ сувда чайиш тавсия этилади. Иссиқ сув толаларни намликдан маҳрум қилади ва янада мўрт қилади.
Фендан фойдаланманг
Қишда сочлар кўпроқ қуруқликка мойил бўлади. Фен том маънода сочлардаги намликни қуритиб, уларни соғлом порлашдан маҳрум қилади. Имкон бўлса, сочларни табиий равишда қуритишга ҳаракат қилиш лозим.
Нам сочлар билан кўчага чиқманг
Нам сочлар ва совуқ об-ҳаво — бу саломатлик учун жуда хавфли. Гарчи аломатлар дарҳол сочда сезилмаса ҳам, организмда кучли шамоллаш юзага келиши мумкин. Қолаверса, фен билан қуритиш унчалик фойдали вариант бўлмаса ҳам, қишда касал бўлиб қолишдан кўра яхшироқ.
Ёғлардан фойдаланинг
Соч учун кокос ёки арган каби ёғларга асосланган косметикадан кўра яхшироқ ҳимоя йўқ. Сочни ортиқча зўриқтирмасдан озиқлантириш учун енгил таркибга эга маҳсулотларни танлаш тавсия этилади.
Парваришни оширинг
Намлантирувчи ниқоб — қишда сочни парвариш қилишнинг асосий усулидир. Керакли натижа учун кондиционердан фойдаланиш ва ҳафтада бир марта сочларга ниқоб қўллаш тавсия этилади.
Изоҳ (0)