Уругвай футбол ассоциацияси раҳбари ЖЧ—2022 да ишлаётган ҳакамлардан норозилигини билдирди.
«Уругвай иштирокидаги ўйинларда жиддий хатоларга йўл қўйган икки ҳакам энди Жаҳон Чемпионати ўйинларида ишламаяпти. Бошқа гуруҳларда ҳам норозиликлар бўлганди.
Кимдир шунчаки Криштиану Роналдунинг ёнида йўталади ва ҳакамлар пенальти белгилайди», — дейди Игнасио Алонсо.
Уругвай футбол ассоциацияси раҳбари ЖЧ—2022 гуруҳ босқичи 1-тур доирасидаги Португалия терма жамоаси ҳужумчисининг Гана жарима майдонида йиқилиб тушганини (3:2) назарда тутган. Роналду ўша вазиятда пенальти ишлаб олиб, уни голга айлантирганди.
Уругвай терма жамоаси H гуруҳида 4 очко жамғариб, 3-ўринни эгаллади ва мусобақани тарк этди. Португалия эса 6 очко билан гуруҳ етакчиси сифатида плей-оффга йўл олди.
Изоҳ (0)