Urugvay futbol assotsiatsiyasi rahbari JCH—2022 da ishlayotgan hakamlardan noroziligini bildirdi.
“Urugvay ishtirokidagi o‘yinlarda jiddiy xatolarga yo‘l qo‘ygan ikki hakam endi Jahon Chempionati o‘yinlarida ishlamayapti. Boshqa guruhlarda ham noroziliklar bo‘lgandi.
Kimdir shunchaki Krishtianu Ronalduning yonida yo‘taladi va hakamlar penalti belgilaydi”, — deydi Ignasio Alonso.
Urugvay futbol assotsiatsiyasi rahbari JCH—2022 guruh bosqichi 1-tur doirasidagi Portugaliya terma jamoasi hujumchisining Gana jarima maydonida yiqilib tushganini (3:2) nazarda tutgan. Ronaldu o‘sha vaziyatda penalti ishlab olib, uni golga aylantirgandi.
Urugvay terma jamoasi H guruhida 4 ochko jamg‘arib, 3-o‘rinni egalladi va musobaqani tark etdi. Portugaliya esa 6 ochko bilan guruh yetakchisi sifatida pley-offga yo‘l oldi.
Izoh (0)