Олий Мажлис Сенати саммитида иштирок этган меҳмонлар учун ёзилган дастурхон республика бюджети учун 1 миллиард 56 миллион сўмга тушди. Бу ҳақда ижтимоий тармоқларда тарқалган шартнома нусхалари ошкор этмоқда.
Маълум бўлишича, 1 миллиард 56 миллион сўмга 300 нафар киши меҳмон қилинган.
Ресторанлар ва озиқ-овқат маҳсулотлари етказиш бўйича хизмат кўрсатувчи «Sky events» масъулияти чекланган жамияти томонидан хизмат кўрсатилган меҳмондорчилик 2022 йилнинг 8—9 сентябрь кунлари бўлиб ўтган.
Ҳужжатларда қайд этилишича, 8 сентябрь куни 300 нафар меҳмон учун ташкил қилинган тушлик 345 миллион сўмга тушган. Ўша кунги кечки овқат учун эса 263 миллион 120 минг сўм харж қилинган. Иккинчи кундаги кофе-бреак 103 миллион 500 минг сўмни ташкил қилган бўлса, тушлик 345 миллион сўмга тушган.
«Дарё» Молия вазирлиги республика бюджети харажатларини камайтириш борасида фикр билдираётган пайтда мазкур саммит меҳмонлари учун ташкил этилган меҳмондорчиликка 1 миллиард 56 миллион сўм сарфланиши қай даражада тўғрилигини сўраб, Сенат ахборот хизматига сўров юборди.
Бу саммит парламентлараро иттифоққа аъзо давлатларнинг аёл раҳбарлари иштирокидаги 14-саммит бўлиб, жуда муҳим тадбир бўлган. Хабарингиз бор, Ўзбекистон халқаро майдонда қанчадан-қанча ташаббусларни илгари суряпти ва ва қўллаб-қувватланмоқда. Шу ташаббуслар мана шунга ўхшаш саммитлар майдонида илгари сурилади.Унинг айтишича, ҳозирда аксарият мамлакатлар парламент дипломатиясига таянмоқда.Бу дегани уларнинг оғзини мойлаш мақсадида ташкил этилди дегани эмас. Бу саммит аъзо мамлакатларда навбатма-навбат ўтказилади. Бу — Ўзбекистонга катта ишонч, — дейди Сенат ахборот хизмати раҳбари Ҳожиакбар Тўлаганов.
Масалан, нега охирги вақтларда Туркия халқаро майдонда ўз сўзига эга бўлиб боряпти, улар ҳам халқаро ташкилотлар доирасида ўз сўзини айта олди. Ёки бўлмаса Хитой, 2017—2020 йилларда «Бир макон бир йўл» лойиҳаси доирасида бошқа мамлакатларнинг турли соҳа вакилларини чақириб, 20 кунлаб семинарлар ўтказди. Ҳамма харажатни Хитой томони кўтарди. Миллиардлик аҳолига эга Хитой учун бу нимага керак деб ўйлайсиз? Тўлиқ едириб-ичириб, камига кунлик харажатлар учун бошқа мамлакат вакилларининг қўлларига пул ҳам берди.Мақсад — ўзиникини ўтказиш. Ҳозирда аксарият мамлакатлар парламент дипломатиясига таянмоқда. Сабаби давлатлар ўртасидаги келишувни амалга оширишда ҳукуматлар томонидан йўл қўйилаётган камчиликларни парламент назорати институти орқали бартараф этиш мумкин, — дейди Сенат ахборот хизмати масъули.
Изоҳ (0)