Тошкент автовокзалидан шаҳарлараро автобуслар ҳаракати тикланди

Тошкент автовокзалидан амалга оширилувчи барча шаҳарлараро автобуслар ҳаракати вақтинча бекор қилинганди. Транспорт вазирлиги матбуот хизмати об-ҳаво ноқулайликлари туфайли автобуслар ҳаракати тўхтаб қолмаслиги учун барча чоралар кўрилаётганини маълум қилди.

Қайд этилишича, айни дамда Тошкент автовокзалидан шаҳарлараро автобуслар ҳаракати белгиланган жадвал асосида амалга оширилмоқда. Автобуслар қатнови ҳаракат жадвали тўғрисидаги маълумотлар кундалик бериб борилади.

5 декабрдаги қатновлар рўйхати:

• 15:00 | Тошкент—Урганч чипта нархи 155 000 сўм;
• 16:00 | Тошкент—Қоракўл 95 000 сўм;
• 17:00 | Тошкент—Узун 135 000 сўм;
• 18:00 | Тошкент—Бухоро 89 000 сўм;
• 18:00 | Тошкент—Термиз 119 000 сўм;
• 18:30 | Тошкент—Хива 155 000 сўм;
• 18:30 | Тошкент—Денов 125 000 сўм;
• 19:00 | Тошкент—Термиз 119 000 сўм;
• 19:30 | Тошкент—Бухоро 89 000 сўм;
• 20:30 | Тошкент—Бухоро 89 000 сўм.