Футбол бўйича ЖЧ—2022 нимчорак финалида Япония ва Хорватия терма жамоалари 5 декабрь, душанба куни ўзаро тўқнаш келди.
Учрашувнинг биринчи бўлимида майдонда тенг кураш кечди. Биринчи бўлим якунига яқин Дайзен Маэда японияликларни ҳисобда олдинга олиб чиқди. Бунга хорватлар иккинчи бўлим дебютида Иван Перишичнинг голи билан жавоб қайтарди.
Иккинчи бўлимда ҳисоб ўзгармади ва қўшимча бўлимларга мурожаат қилинди. Унда ҳам масала ҳал бўлмагач, пенальтилар серияси белгиланди. Серияда Хорватиянинг қўли баланд келди.
Шу тариқа Хорватия чорак финалга йўл олди ва у ерда Бразилия — Жанубий Корея учрашуви ғолиби билан ўйнайди.
ЖЧ—2022
1/8 финал баҳси
5 декабрь, душанба
Япония — Хорватия 1:1
Пенальтилар серияси — 1:3Голлар: 1:0 – 43 Маэда, 1:1 – 55 Перишич.
Япония: Гонда, Ёшида, Танигути, Томиясу, Нагатомо (Митома, 64), Эндо, Морита (Танака, 105), Камада (Сакаи, 75), Ито, Доан (Минамино, 87), Маэда (Асано, 64).
Хорватия: Ливакович, Юранович, Ловрен, Гвардиол, Баришич, Модрич (Влашич, 99), Ковачич (Майер, 99), Брозович, Перишич (Оршич, 105), Крамарич (Пашалич, 68), Петкович (Будимир, 62; Ливая, 105).
Огоҳлантиришлар: Ковачич (90), Баришич (116).
Изоҳ (0)