Босния ва Герцеговина бизнес-омбудсман институтини ташкил этишда Ўзбекистон тажрибасини ўрганмоқда. Бу ҳақда президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил ахборот хизмати хабар берди.
Қайд этилишича, бизнес-омбудсман девони ходимлари комплаенс ва этика бўйича халқаро сертификатланган мутахассис Мила Срногорас Байич билан онлайн учрашув ўтказди. Учрашув Босния ва Герцеговинада бизнес-омбудсман институтини ташкил этиш дастури доирасида тадбиркорлар ҳуқуқларини ҳимоя қилиш бўйича Ўзбекистон тажрибасини ўрганиш мақсадида ташкил этилди. Бугунги кунга қадар Грузия ва Украинанинг шу каби ташкилотлари тажрибаси ўрганилган.
Учрашувда бизнес-омбудсман девони ходимлари томонидан Ўзбекистоннинг бизнес-омбудсман институтини ташкил этиш тажрибаси ҳақида батафсил маълумот берилди. Хусусан, ваколатлар рўйхати, унинг вазифалари, шунингдек, фаолият кўрсатган даврда амалга оширган ишлари тўғрисида сўзлаб берилди.
Шу билан бирга, жаҳондаги маълум бизнес-омбудсман институтлари орасида Ўзбекистон бизнес-омбудсмани кенг маъмурий ресурслар таъминлангани ва бу ўз навбатида тадбиркорлик субъектларининг ҳуқуқларини ҳимоя қилиш самарадорлигини оширишга хизмат қилиш қайд этилди.
Мавзуга доир:
Изоҳ (0)